نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

صدى الامس · #12 18/12/2004, 02:18 PM

[align=center]قبل كل شئ .. المباريات تبي تكون بعد فترة .. وخلال المدة هذي تبي تكون هناك فترة الإنتقالا ت الشتوية ..

وكل فريق بيحاول انه " يضبط " وضعه .. من خلال التعاقدات اللي تبي تحصل .. عشان كذا كل الكلام يبي يكون على

الفترة الحالية .. واللي اكيد تبي تتغير أشياء كثيرة خلال هــ المدة هذي ..

ريال مدريد Vs يوفي

مباراة تبي تكون قوية .. فيها الثأر وتأكيد التفوق .. الريال يبي يثأر لـ خروجه قبل موسمين على يدي اليوفي .. وهي تبي تكون تأكيد لـ تفوق اليوفي على الريال ..

الريال خلال الفترة الماضية كان يعيش حالة من التأرجح في المستوى يعني مره يقدم مستوى "ماعليه" ومره يكون مستواه سئ .. يعني الى الآن ما شفنا الريال اللي عيله الكلام خصوصاُ في ظل تواضع الدفاع اللي هو اكبر مشكلة للـريال .. هــ الموسم عزز دفاعه بـ تعاقده مع صامويل و ودجيت.. ولكن ودجيت إلى الحين ما لعب ولا مباراة بسبب الإصابة وصامويل يلعب لـ حاله في الدفاع في عدم وجود مدافع عليه الكلام معه .. وهذي هي نقطة الضعف الكبرى عند الريال ومركز المحور لا يهون اللي يلعب فيه قوتي اللي مكانه الاساسي وسط مهاجم وبيكهام وكلنا عارفين خانته الاساسية .. عشان كذا يبي يواجه الريال صعوبة مع اليوفي اللي يمتلك خطوط متكاملة تقريباً ويعيش حالة من الإستقرار الفني اللي نشوفها من بداية الموسم .. وتصدره للـ كالتشيو ومجموعته اكبر دليل .. غير كذا وجود مدرب كبير مثل فابيو كابيلو .. اللي له خبرات كبيرة سواء في إيطاليا وإلا خارجها .. ومثل هـ المواجهات الكبيرة تحتاج لـ مدرب كبير يقرأ المباراة والخصم صح .. ويتصرف مع مجريات المباراة صح .. عكس ماهو حاصل للـ ريال فالـ مدرب أقل بكثير من إمكانيات اللاعبين الموجودين وغير كذا المباريات الكبيرة يبيلها مدرب كبير وفاهم ;) اليوفي ومن خلال الفترة الحالية يعيش فترة من الاستقرار وهذا الشئ اللي يبي يساعده على تخطي الريال ..
عناصر التفوق لليوفي .. مدرب كبير .. خطوط متكاملة .. جاهزية اللاعبين ..
والريال في الوقت الحالي عناصر التفوق لديه هي خبرة اللاعبين .. نجومية اللاعبين وتخصص بعضهم في المناسبات الكبيرة ..
التوقع صعب لكن الأماني مع مدريد ..

بورتو Vs الإنتر

بورتو يعيش حالياً حالة من التفوق النفسي .. فوزره بـ كأس الانتركونتيننتال مؤخراً .. ووجود عناصر شابه لديه لديها المهارات الكبيرة اللي قد تؤهله للفوز على الإنتر .. قد يكون خط الدفاع في الفريقين هم اضعف الخطوط ...
بورتو عندهم كارلوس البرتو لاعب شاب مهارات غير طبيعية .. ودييغو كذلك اللي يعتبر اهم الركائز في خط الوسط لـ بورتو وكذلك المبدع مانيش اللي استغرب بقائه في بورتو رغم مستوياته الكبيرة اللي قدمها الموسم الماضي وفي بطولة اوروبا مؤخراً كذلك في الموسم الحالي .. وعندهم في الهجوم مكارثي الخبل .. اللي يقدم مستويات رائعة خلال هالفترة .. ميزة لاعبين بورتو هم انهم شباب وعندهم الدافع الكبير انهم يقدمون كل شئ امام الإنتر ..
لكن هالشئ يبي يكون صعب لـ وجود لاعبين كبار في الإنتر من حيث المستوى الشخصي .. المبدع والمتألق زانتي اللي تحس روح الإنتر فيه .. لاعب يملك الجهة اليمنى ومن افضل من يلعبون في هالخانة ..
خط الوسط عندهم اكثر من لاعب مبدع فيه وعلى رأسهم فيرون الأرجنتيني .. اللي قد يكون هو الترمومتر لـ خط وسط الإنتر .. وكذلك دافيدز الهولندي اللي يعتبر نقطة اساسية في تشكيلة الإنتر .. وكمبياسو المتألق واميري .. وخط الهجوم يكفي اننا نقول ادريانو .. المباراة تبي تكون سهلة بالنسبة للـ الإنتر .. في ظل وجود عناصر التفوق .. لكن كل شئ جايز ;) .. التوقع والمؤشرات تشير لتأهل الإنتر

برشلونه Vs تشيلسي

برشلونة يقدم كورة ممتعة وشاملة .. تناسق في الخطوط .. تفاهم كبير بين اللاعبين .. مدرب عرف يوظف إمكانيات الفريق .. صدارة الـ لاليقا وبـ فارق كبير عن اقرب منافس له .. ما جت عبث .. فريق الكل فيه خطر .. من فالديز إلى ايتو .. فيه جماعية ممزوجة بالإمتاع هذا وضع البارسا .. وضع البارسا متأزم من ناحية الإصابات اللي داهمت الفريق والغريب انها في خانة وحده .. واغلبها في خانة المحور .. الدفاع بقيادة بويول قلب الأسد لا خوف عليه .. رغم انه قد يواجه صعوبة بوجود الشاب اولغوير .. الوسط واللي يعتبر هو زبدة الفريق مبدع بوجود ماركيز بالـ محور اللي يقدم مستوى كبير وكذلك المايسترو (( بعد اذنك كوكو

)) اكزافي اللي يعتبر احد اهم عناصر البارسا واللي يقدم مستوى اكثر من رائع هـ الموسم .. وجيولي وديكو اللي ما نبخص حقهم في عطائهم هذا الموسم وان كان جيولي بعد الإصابة الأخيرة قل عطاءه ولم يقدم كما كان في اول الموسم وديكو بدأ يقدم مستويات اكثر من رائعة وتتحسن مع مرور الوقت .. وشفنا الفرق بين مستواه اول الموسم والفترة الحالية .. ورنالدينهو ما يحتاج من يتكلم عنه .. مستوياته الكبيرة اللي نشوفها الحين وإبداعاته مع البارسا خير من يتكلم عنه وترشيحه للـ فوز بجائزة أفضل لاعب خير دليل .. ايتو هداف الـ لاليقا وهداف الفريق بـ مستوياته الغير طبيعية هداف وقناص للفرص .. ومتى ما كان روني واكزافي وايتو في وضعهم الطبيعي صعب اي فريق يوقف بوجههم ..
تشيلسي ومدربه المغرور (( اللي تمنى مقابلة البارسا )) .. مورينهو توفر له كل شئ قبل بداية الموسم بـ دعم الروسي ابراهيموفتش .. اللي وفر له كل شئ من تعاقدات مع اي لاعب يبيه .. تشيلسي تصدر الدوري الإنجليزي وبفارق جيد من النقاط تصدر مجموعته في التشامبيونز ليق .. خط دفاع جيد في وجود جون تييري وكارفايو .. والوسط بـ قيادة لامبارد وماكيليلي اللي يقدمون مستويات كبيرة وخصوصا لامبارد اللي كل فترة يتحسن مستواه عن اللي قبل .. وكل مره يظهر لنا بشكل احسن من اللي قبله .. وكذلك روبن الهولندي صاحب اللمسات السحرية والمهارات .. عرف مورينهو كيف يستفيد من امكانياته ويوظفها لـ صالح الفريق .. الهجوم بـ وجود دروقبا المبدع وقوديانسين اللي ظهر في الفترة الأخيرة بـ شكل أكثر من رائع وقدم مستويات حلوه .. خصوصاً في فترة إصابة دروقبا .. الفريق يعيش حالة من الإستقرار .. عدم وجود الإصابات ثبات التشكيلة .. توفر البدلاء والخيارات يريح المدرب المغرور ..

أمنية أن يبدع البارسا

ويخرج تشيلسي ومدربه الـ مغرور

وغير كذا حرام يطلع البارسا وهو اللي مبدع هالموسم ;)

فيردير بريمن Vs ليون

أمنية أن ليون يتأهل لـ عيون أبناء البرازيل ((صورة قلب

)) بس !! ولإبداعهم اللي يقدمونه بشكل غير طبيعي .. تصدروا المجموعة اللي فيها المان .. وما ننسى مباراتهم مع المان الذهاب .. واللي أبدعوا فيها بشكل غير طبيعي ..

ليفربول Vs ليفركوزن

ليفربول تأهل بعودة المتألق جيرارد وروح الـ ليفر .. الفريق مر بـ فترات صعبه في بداية الموسم بـ الإصابات اللي أخذت من الفريق حقها .. إصابة سيسيه وباروش اللي كل فترة وفترة .. وغير كذا رحيل اوين .. واللي يعاني الـ ليفر من النقص في الخانة هذي خصوصاً .. الـ ليفر يبي يواجه فريق منضبط تكتيكياً وعنده عناصر مبدعه وشفناها وش سوت في الريال في الذهاب بـ 3 أهداف ولا أروع .. ليفركوزن عندهم بخط الدفاع الخبرة روكي جونير .. وخط الوسط عندهم المتألق فرانسا اللي اتوقع هو العامود الفقري لـ ليفركوزن لاعب يملك امكانيات غير طبيعية مهارة كبيرة تحكم غير طبيعي نقل كورة بشكل اسرع من السريع وتمريرات آخر حلاوة هـ اللاعب هذا مبدع بشكل غير طبيعي .. اعتقد هو الخطر الأكبر على الـ ليفر ..

أمنية ان لـيفربول يتأهل لـ عيون جيرراد والونسو بس .. ولا يهون ايان راش ابو خشم

..

إيندهوفن Vs موناكو

احس ان سافيولا يبي يطقق بهم على خفيف ويبي يخلي الباقي لـ دور الـ 8

مانشستريونايتد Vs ميلان

لقاء الكبار .. متعة في كل شئ .. المان يعيش فترة متأرجحه !! يعني شفناه في بداية الموسم ما ظهر بمستوى وقدرات المان كـ فريق كبير .. وبـ قيادة السير .. المان في بداية الموسم ظهر لنا بـ صورة غير اللي توقعناها من فريق مثل المان وبـ نجومه .. وخصوصا ً امام الفرق الصغيرة في الدوري .. لكن بعد لقاء الأرسنال توقعنا انها بداية العودة للـ مان والشياطين الحمر .. لكن حصل العكس .. فعاد المستوى المتذبذ للــ مان .. المان خسر البطاقة الأولى للـ مجموعة بـ خسارته الأخيرة أمام فانر بخشه أضاعت من المان فرصته لـ تصدر المجموعة وتجنب مواجهة الفرق الكبيرة .. لكن حصل ما حصل وهاهو المان يواجه الـميلان .. المان الحراسة هي اللي قد تكون احد نقاط الضعف عنده .. الدفاع تحسن كثير بعودة فيردينالد اللي اعاد للـ دفاع هيبته بعد ان فقدها بـسبب سيلفستر وبراون وأخطائهم الغير طبيعية في الدفاع .. وغير كذا الجهة اليمنى ضعيفة شوي بوجود جاري نيفيل اللي ما ادري ليه الى الحين السير ما جاب واحد بداله .. رغم تقدم السن والخبرة اللي عنده إلا انه يقوم بأخطاء ما تتكرر من واحد مبتدء .. الوسط بقيادة روي كين اللي يعتبر احد اهم عناصر المان .. بتألقه وربط الوسط بالهجوم وغير كذا الدعم الهجومي اللي يقوم به .. وغير كذا الخبرة اللي متوفرة عنده تمكنه من قيادة الفريق .. وما ننسى سكولز والدور اللي يشكله بقدومه غالباً خلف المهاجمين وتسديداته القوية .. واللي يعتبر دائماً احد اهم ركائز المان ورجله الأول السير .. وكذلك (( ابو المراوح

)) رونالدو اللي يعتبر احد ابرز اللاعبين في الوقت الحالي بالنسبة للـ مهارات الفردية اللي يقدمها ومستوياته الكبيرة .. ولا ننسى اللورد اللي يعتبر مكمن الخطورة في المان .. واللورد ما يحتاج من يتكلم عنه اخطر مهاجم في الوقت الحالي داخل الـ 18 .. متى ما كان سكولز وكين واللورد ورونالدو في قمة عطائهم حينها يبي يكون وضع المان قوي وحظوظ تأهله قوية ..
الميلان احد اكبر المرشحين للـ فوز بالـ بطولة من قبل ان تبدأ .. تكامل في الخطوط من الحراسة إلى الإحتياط

.. الحارس ديدا احد افضل الحراس في العالم .. الدفاع لا خوف عليه بوجود العمالقة نيستا ومالديني وستام وكافو .. وان كانت الجهة اليسرى للميلان تعتبر هي نقطة الضعف في الفريق لعدم تقديمها ما يوازي الخطوط الباقية للـ فريق .. الوسط بـ قيادة المهندس بيرلو وقاتوزو وسيدورف الهولندي المتألق . وكاكا المبدع اللي مستواه في الفترة الأخيرة قل نوعاً ما عن ما بدأ به الموسم .. ولا ننسى في خط الهجوم القاتل شيفا وأفضل لاعب أوروبي لـهذا الموسم حسب ترشيح مجلة فرانس فوتبول .. اللي كل يوم يؤكد انه نجم من طراز نادر .. وهداف ومهاجم صعب التعامل معه .. مهما كان قوة الدفاع المواجه له .. إلا ان شيفا يعرف يتعامل معهم .. اللي يميز الميلان هو التفاهم الكبير بين اللاعبين وثبات النسق اللي يلعبون فيه .. وغير كذا توفر البدلاء بشكل صعب يتوفر عن اي فريق .. في كل مركز اكثر من لاعب وما يختلف عن الاساسي .. وغير كذا الإستطاعة بالـ لعب على أكثر من طريقة .. واكثر من لون وشكل في المباراة .. يعني اخطر فريق اذا لعب مرتده الميلان بوجود كاكا الغير طبيعي في الإنطلاقات والسريع القاتل شيفا وسيدورف المتألق .. وغير كذا امكانيته اللعب باي خطة ثانية .. لوجود اكثر من بديل واكثر من لاعب .. يعني اذا ذكرنا الميلان نذكر القوة والتكامل في العناصر .. ولا ننسى المهاجم الأرجنتيني كريسبو اللي بدأ في الفترة الأخيرة يعيد شئ بسيط من توهج كريسبو وإبداعاته .. حينما أعطي الفرصة الأكبر له لـ إظهار ما لديه رأيناه في الأخيرة يتألق ويسجل .. وبدأ عليه التفاهم مع كاكا وشيفا وسيدورف .. الميلان كـ عناصر لا يظاهيه اي فريق وكـ عناصر وعلى الورق هو الأفضل من بين الفرق جميعاً .. الميزة اللي عند انشولتي هي القدرة على التوليف والتنسيق بأي شكل من الأشكال وهذي ميزة الميلان توفر البدلاء المتميزين .. واهمهم روي كوستا ..

التوقع صعب .. لكن الأمنيات .. ميلان ..

بايرن ميونخ Vs الأرسنال

البايرن في الفترة الحالية يعطي مؤشرات انه اقرب للـ فوز من القنرز .. يعني في ظل تراجع مستوى اداء دفاع الارسنال في الفترة الحالية .. اللي حتى خلت المدرب ارسن فينغر يستبعد الفوز بـ الدوري إذا استمر الحال .. فما بالك وهو يبي يقابل فريق يلعب فيه ماكاي .. وبالاك وزي روبورتو والطقه الباقيه .. يعني الأرسنال الوضع اللي يعيشه صعب في تخبط الدفاع وخصوصاً لاورين اللي مستواه كل ماله وهو يدحدر اكثر من اول

.. رغم عودة كامبل اللي كان مشكل غيابه فراغ كبير في خط الدفاع .. لعدم وجود البديل .. إلا سيقان

!! والأغرب هو عدم تعاقد فينغر مع مدافع إلين الحين .. ولكن قد تكون فترة الإنتقالات الشتوية تحمل لنا خبر مفرح (( وجه يقول يارب )) .. الأرسنال يتميز بجماعيته ونقله للكرة بـ شكل سريع وهذي احدى مميزاته متى ماكان الفريق في حالة نفسية جيدة واللي نلاحظه ان دايم لاعبين الأرسنال متى ما كانوا مشحونين نفسياً سهل الفوز عليهم بأقل جهد .. ونلاحظ عليهم النرفزة الزايدة .. واللي دايم "توهق" الفريق سواء بـ أخطاء أو كروت ملونة .. الفريق متميز كـ عناصر بوجود كامبل وتوري اللي بينهم تفاهم كبير ويقدمون مستوى لا بأس به !! إلا ان تكرار الأخطاء هو الغريب ويمكن لاحظنا مباراة تشيلسي بـ الدوري .. وغير كذا المحور بوجود ايدو اللي قد يعود من الإصابة واللي قدم مستوى كبير في الموسم هذا وهو استمرار لـ إبداع الموسم الماضي اللي اجبر كارلوس البرتو باريرا مدرب المنتخب انه يستدعيه .. وثباته في التشكيلة وتهافت الأندية اللي تبي تتعاقد معه وابرزها الريال .. غير كذا المبدع الشاب فابريغاس اللي رغم صغر سنه إلا انه مكسب كبير ويقدم مستوى اكبر بكثير من المتوقع منه على صغر سنه .. هدوء وثقه وقراءة سليمة للملعب ونفس الشئ ينطبق على زميله اللاعب فلاميني .. وكذلك اشلي كول احد افضل اللاعبين في الجهة اليسرى .. دفاعياً ممتاز وكذلك هجومياً وليونبيرغ في خط الوسط (( عليه لياقه

ولا تهون مراوحه وإلا يا قوطي معفوط ولا تهون يا كانو

)) وغير كذا عندنا الإستاذ الكبير بيركامب اللي يقدم هالموسم مستوى كبير اجبر المدرب فينغر انه يلعب في اغلب المباريات اساسي .. ولا ننسى بيريس ورييس اللي يقدم مستوى غير طبيعي هالشاب .. ويؤكد انه وجه اسباني ناوي على شر .. وطبعاً محد ينسى الغزال هنري اللي يعد أحد ابرز لاعبين الأرسنال ومتى ما كان في الموعد وقدم كل ما عنده ظهر الأرسنال بـ شكل مغاير وظهر الأرسنال بـ شكله المعروف .. الأرسنال احد ابرز خطوط الضعف عنده الحراسة بوجود الحارس الألماني ليمان اللي يرتكب أخطاء غير طبيعية دائماً ما تـُحرج الأرسنال .. والحارس الشاب المينا قد يكتسب بعض الثقة مع مرور الوقت ومن خلال لقاءات الدوري .. البايرن ابرز اللاعبين اللي يمتلكهم هم المهاجم الخطير ماكاي اللي من انصاف ومن اصعب الفرص يسجل .. مهاجم خطير داخل الـ 18 صاحب تسديدات قوية إرتقاء عالي في الضربات الرأسية تمركز سليم كلها في هـ اللاعب الخطير .. واللي يعتبر مصدر قلق لكل من يواجه البافاري .. وكذلك بالاك مهندس الوسط الألماني والمتألق دوماً مع البافاري ومستوياته وقيادته للـ بايرن في منطقة الوسط .. ولا ننسى البرازيلي زي روبرتو اللي يشكل جبهة هجومية لـحالة بفضل مهاراته الخطيرة وكذلك انطلاقاته الهجومية الخطيرة .. وكذلك المدافع البرازيلي لوشيو اللي يمتلك نزعة هجومية "قشرا" وغير كذا قوة في التغطية الدفاعية والإرتقاء للكرات العالية .. ولا يخفى القمر حارس البافاري كان .. اللي متى ما كان حاضر صعب الفوز على البايرن بوجود هالحارس .. صحيح انه من فترة يقدم مستويات لكم عليها لكن يظل هو اولفر كان ..

الأمنيات والتوقعات للـ الأرسنال

[/align]