مو الامير سلطان بن فهد الي كنتم تسمونه (وجه السعد ) ..

هذا هو اخر ماتوصلت له الجماهير السعوديه

هذه لفتت الوفاء والعرفان ..

بدل ماتعمل الجماهير حمله للمطالبه بتكريمه على كل هالسنوات بخدمة المنتخب ..تعمل حملات لاستقالته

ماننكر انه غلط ولكن لما تنتقد الخطأ يفترض تقدر عمل هالشخص طول هالسنين وتنقد برؤيه وأدب

اذا انتم هالكثر معصبين ومنقهرين على حال المنتخب وانتم ماقدمتوا شي غير الهياط بالمنتديات اجل الي تعب وسافر وسهر ودفع وش بيكون شعوره هو منصدم اكثر منكم لان جهده وتعبه راح هباء منثور

اسباب هزيمة المنتخب مو الاتحاد فقط ..ان بنظري الإعلام له دور كبير فزعزعه المنتخب وظهوره بهذه الروح

لما القنوات الفضائيه تجيب لنا ناس مرضى نفسيا وتطلب منهم يحللون ..وواضح للاعمى هدفهم وتعصبهم ورغم هذا يخلونهم يستمرون بنشر سموهم وحقدهم على بعض اللاعبين ..

وش مفكرين اللاعبين مايتأثرون بكل هالكلام ..ولو اني مااعفيهم عن الخطأ

باختصار في جهات كثيره تتحمل الخطأ مع الاتحاد

ويفترض المواضيع حاليا تناقش وتنفد اسباب الخطأ سهل كل واحد يرمي الخطأ على جهه انا اقول الاعلام وغيري يقول الاتحاد لكن المفروض اننا نحدد الاخطاء الي ارتكبتها كل جهه مثلا ..

الي يقولون رئيس الاتحاد يتحمل : يفترض يحددون اخطائه
1- تغير المدرب
2-عدم الاهتمام بالفئات السنيه وتجهيزهم
3- عدم توفير اكاديميات ومنشات
حددوا الاسباب عشان نعرف والمعنين يعرفون اخطائهم ويصلحونها

لما احمل اللاعبين :اذكر الاسباب ليه اللاعبين يتحملون جزء من الهزيمه ونفس الشي باقي الجهات

اما المطالبه بالرحيل والسب ماراح تفيد الشارع الرياضي بشي