نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - يامرحبـا ترحيب الـروح للـروح فـي مجـلس مـافيـه نفـس ثقيـله ()

الهنوووف · #18 10/01/2011, 09:18 PM

وعليكم السلام ورحمه الله وبركاته

هلا بك شوق

وعظم الله اجرك والله يغفر لفقيدكم

بخصوص سوالف الزواج عاد المجتمعات العربيه تقدس هالموضوع

اول نقطه الي هي كلام الام وأثره على نفسيه البنات أو الشاب
للاسف الكثير من الامهات والاباء مايدركون حجم هالمشكلة وممكن بـ أنفسهم يقودون بناتهم وشبابهم لـ للهاويه
والمشاكل والعلاقات المحرمه

الزواج من سنن الحياة وليس الاصل بالحياة
محد ينكر حاجه كل الطرفين سوا بنت او ولد لـ الارتباط والاستقرار
ولكن مانكبر السالفه وونبالغ بـ وصفه أنه مصدر السعاده

احد قريباتي من هالامهات الي يهمهم الزواج بشكل كبير يعين ماتقتنع بدراسه وهالاشياء
عندها الرجال هو اهم شي بناتها لسى صغار ولكن هاجس الزواج زرعته فيهم من الحين
يعني لما البنت بتقص شعرها تقول لاتقصين الحريم الحين لادوروا لعيالهم ينجذبون للشعر الطويل

ودايم تكرر عن بعض الامور ترا لو سويتيه محد راح يقبل فيك والخ من الكلام العقيم

نقطه تزويج البنت الكبيره والصغيره
اشوف اذا البنت الكبيره وصلت عمر معين ماجاها نصيبها نفتح الباب للي اصغر منها
يمكن البعض يحس هالامر سهل ولكن البعض يراعي مشاعر بناته واوقات البنت الصغيره نفسها ترفض من اجل الكبيره
مثل ماذكرت اذا وصلت عمر معين وقلت الفرص ممكن نسمح للي تحتها
مو من البدايه البنت ماتجاوزت 20 نروح نزوج ام 18

لان ام 20 هذي بتتعرض لضغط نفسي كبير بحياتها وهي لساتها صغيره

ومهما تكلمنا بهالنقطه النصيب لاجا محد يقدر يرده

النقطه ماقبل الاخيره
الي تكون ميته على الزواج ولاتزوجت جلست تعذرب هذا شي معروف ودايم تعليقي ونصيحتي للبنات والشباب
لاتحكموا على حياتكم من تجارب غيركم
اولا محد يمدح حياته الاغلبيه تخاف من الحسد
وثانيا انت مو مثل صديقك وزوجتك مو مثل زوجته كلنا تفكيرنا يختلف وشخصيتنا غير
وباذن الله نقدر نمشي حياتنا مثل مانبي في حال ماكان في اسباب قويه تعكر الزواج

النقطه الاخيره
مثل ماقالوا الاخوان اقضوا حوائجكم بالكتمان

\

/
يعطيك العافيه شوق ع هالحديث
كنت اتوقع هالاحاديث والسوالف بالمجتمع السعودي فقط واكتشفت الحين ان المجتمعات الخليجيه متشابهه لحد كبير

إقتباس

الرسالة الأصلية كتبت بواسطة اُمنيه


	هلا شوق الكويت .. الله يبارك بالتكريم اللي خلاك تنزلين موضوع " الله يعطيكـ طولة العمر ان شاء الله .. بس ما ادري ليه احنا يالعربيات والخليجيات اذا ماتزوجت الوحده حكموا عليها بالأعدام .. طيب اذا ماتزوجت وش بيصير ؟؟ واذا تزوجت بدخل الجنه مثلاً الا بدخل نار الدنيا .. انا مستغربه من وحدهـ من قرايبنا مطلقه من سنوات وعندها ولد الحين يدرس بخامس ابتدائي وهي موظفه وربي منعم عليها على قولتك وبعد هالسنوات تزوجت ..! المشكله شايفه من زوجها الأول نجوم الظهر .. << على العموم شي يخصها .. بالنسبه للي تعرفت على شباب عشان كلام امها ..تدور عذر ولله اعلم مشكورهـ على الموضوع شوق ولا توقفين

ليس تستغربين ياحلوه
البنت بتشوف حياتها ومو معقول بتحكم على حياتها كلها من فشل واحد
يمكن ربي يوفقها مع غيره وأكيد هي ماقبلت على الزواج الثاني الا وهي عارفه ادق تفاصيله
ترا المرأه مهما كبرت تظل بحاجه لـ رجل معاها
والرجل كذلك يعني البعض يستغرب لما رجال كبير بالسن توفت زوجته وتزوج ويعتبرون تصرفه غبي هو اكيد يحب زوجته
ولكن اكيد يحتاج لـ وحده ثانيه تكمل حياتها معه خصوصا انه بـ عمر حساس
والعيال الحين اغلبهم لاهين بحياتهم

والله يوفقها ان شاء الله وتخبرينا بالمولود الثاني

والله يرزقنا البر بوالدينا

الهنوووف
كانت
هنا
ورحلت