نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

ابو طـــــلال · #47 14/10/2010, 03:44 PM

إقتباس

الرسالة الأصلية كتبت بواسطة ezzo20


	اخوي الكريم .. لكل منا وجهة نظر تحترم واحترم وجهة نظرك في الموضوع اتمنى منك تقبل رايي انا شفت اللقاء كامل وماقدر اقولك اني حللته تحليل محترف لكن تحليل منطقي بسيط .. من المستفيد من خروج الغشيان في هذا الوقت بالتحديد وبهذه الحالة بالتحديد ومن المتضرر ؟؟؟ المستفيد من التوقيت هم الفئات التي تريد اشغال الهلال عن مهمته الاسيوية الحالية بمهاترات اعلامية تفقدهم التركيز اما المتضرر اولا واخيرا هم من هاجمهم الغشيان بتصريحه يوم قال بالحرف روؤساء الاندية وكان في سياق ذكر الامير بندر بن محمد والامير عبدالرحمن بن مساعد.. بما معناه واللي انا فهمته انهم روؤساء الهلال .. ايضا تكلم على الامير عبدالرحمن بن مساعد وانه تخلى عنه وما الى ذلك انا ردي عليك اخي الكريم بتال القوس مانقدر كلنا لو اجتمعنا ومثلنا معنا ان نرده عن عمل اي لقاء او اي تصريح او اي سبق لكن امانة الاعلام ماحسينا فيها لمى عمل اللقاء .. شفنا تهجم على لاعبين ورؤوساء ورياضة بموؤسساتها كاملة بدون اي اثبات وكانك تسال طفل بالسادسة تحب المدرسة ولا لا (طبيعي بيقول بايخة ووعة وشحاذة على قولت طيب الذكر فهد) سؤال .. هل من المنطق ان فهد الغشيان هو المتضرر الوحيد من قلة الاحتراف لدينا ؟؟ ولو كان فيه غيره ليه بتال اختار الاسوأ وقدمه كمادة اعلامية وسبق لا مثيل له؟؟ سؤالي الاخر .. هل من العدل انك تتهجم على رياضة بلد باكمله وتاخذ الحديث من طرف واحد فقط وتحكم بدون تسمع من الطرف الاخر ؟؟

هلا وغلا اخوي

إقتباس


	المستفيد من التوقيت هم الفئات التي تريد اشغال الهلال عن مهمته الاسيوية الحالية بمهاترات اعلامية تفقدهم التركيز

ودي افهم وش مستفيدي بعرض لقاء مع فهد الغشيان .. وكيف بيشغلون الهلال عن مهمته الآسيويه ؟!! وإذا الهلال بكيانه وجمهورة بيتأثر ويخسر مباراة علشان لقاء مع نجم سابق فأقولها وبكل صراحه مايستاهل الهلال اي بطوله ..

جماهير وإدارة ولاعبين وكيان كبير مثل الهلال بيتأثر من هالخرابيط .. مااعتقد ! وأستغرب تكرار مثل هالكلام في هالموضوع .. تقول هالمقابله هي اللى تبي تشتت إنتباه اللاعبين ..

عطينا الموضوع أكبر من حجمه .. المباراة بعد الله سبحانه هي بيد الإدارة واللاعبين والمدرب الحين .. وحضور الجمهور ..

إقتباس


	اما المتضرر اولا واخيرا هم من هاجمهم الغشيان بتصريحه يوم قال بالحرف روؤساء الاندية وكان في سياق ذكر الامير بندر بن محمد والامير عبدالرحمن بن مساعد.. بما معناه واللي انا فهمته انهم روؤساء الهلال .. ايضا تكلم على الامير عبدالرحمن بن مساعد وانه تخلى عنه وما الى ذلك

بغض النظر عن طريقة تعبير فهد .. ومعروف للجميع بأن اللاعب الفنان لايجيد الحديث دائما .. والدليل يوسف الثنيان .. ومحمد الشلهوب .. والشيحان أول .. يصير همهم الكوره .. مايهمهم االذرابه ..

انا أذكر تصريحات لفهد قديمه نظحك عليها وكانت قدام النصر .. في بطولة المؤسس وتقدر ترجع وتشوفها .. مايعرف يعبر .!! فعلا مايعرف

اما بخصوص الرئساء يمكن تضرر ويمكن لا .. إذا تضرر وماعرف يعبر ننقوله الله يعينك ويرفع عنه وبندر بن محمد كان رئيس للهلال في وقت كاس المؤسس .. وفي وقته الغشيان فعلا صارت له مشاكل ..

بس مو معقوله اي واحد يتكلم عن شخص نقلب على هالواحد ونسبه .. ياخي مهوب كل الكلام مصدّق ..

يعني لو يجيك معتوه مثلا بالشارع ويقول فيك كلام وإساءه .. ترد عليه ..
لو واحد من أعضاء الشبكه يسبك .. يكون صادق بكلامه ؟؟

المهم إنه عبر عن شعوره .. وطلع من بعد غيبه والناس عاد هي اللى تقرر هو صادق او لا

بالنسبه لعبدالرحمن بن مساعد هو ماغلط عليه .. وحتى لو غلط عليه ابو فيصل اكبرمن الشبهات لأنه حنا نشوف ونحكم بالظاهر .. وظاهر ابو فيصل نظيف ولانزكي على الله احد .. بس بالظواهر ارى بأن فهد غلطان .. هذا وجهة نظري الخاصه وحكمي ... لكن التفاصيل .. او تفاصيل التفاصيل مايعلم فيها إلا الله سبحانه

إقتباس


	سؤال .. هل من المنطق ان فهد الغشيان هو المتضرر الوحيد من قلة الاحتراف لدينا ؟؟ ولو كان فيه غيره ليه بتال اختار الاسوأ وقدمه كمادة اعلامية وسبق لا مثيل له؟؟

هو يرى إنه أكثر واحد تضرر من الإحتراف .. ويرى إن ماعندنا إحتراف يبقى هذا رائيه ياخي .. عادي

إقتباس


	سؤالي الاخر .. هل من العدل انك تتهجم على رياضة بلد باكمله وتاخذ الحديث من طرف واحد فقط وتحكم بدون تسمع من الطرف الاخر ؟؟

رغم إني ضد كلام فهد الغشيان بحديثة عن رياضه البلد وتلميحه للقياده الرياضه والحديث بهذا الشكل ..

إلا إني معه في إن رياضتنا بالحضيض .. ويبيلها تعديلات مهوب تعديل واحد .. وياما كتبنا وشكينا .. بس هاليومين حنا نسينا ولاهين .. وإلا ياما إنظلمنا من القياده الرياضيه وآخرتها كوزمين ..

شكرا لك اخوي