|
صيحات استهجان ضد ياسر.. ويوم اصيب وقام صفقوو له؟؟؟ ومسكين ياهلااااال .. تلقاها من اعداءك والا من بعض جماهيررك .. تعبنا واحنا نتكلم
السسسلام عليكم ورحمة الله وبركااااته .... مساءكم/صباحكم .. مثل العسسل  * كلنا تابعنا مباراة الزعيم والاتفاق .. ونحمد الله سبحانه وتعالى اننا سجلنا هدف من البدايه وحافظنا
عليه .. لو لم يتم تسجيل الهدف كان شفنا معاناه كبيرره وضغط نفسي على اللاعبين والجمهوور
لكن الحمدلله سجلنا هدف .. وحتى لو كان غلطه من الحارس الاتفاقي .. بس المهم هدف وثلاث
نقاط .. وانا اعتقد ان اهم مكسب بالمباراه هي الثلاث نقاط فقط لاغيررر
* مع كل كوره يستلمها الكابتن ياسر القحطاااني من بداية المباراه .. كان يقابله الجمهور بصيحات
استهجان .. في منظر غير حضاري اطلاقاُ ... وكأن الهلال خرج من الآسيويه وياسر القحطاني
تسبب بالخروج واضاع ضربة جزاء في الوقت الاخير امام الغرافه؟؟؟
صحيح ياسر ضيع كرات لاتضيع .. ولكن يااخوان ياسر سجل هدف امام الغرافه .. وهدف لو
نظرنا له ودققنا فيه مايسجله أي مهاجم وانظرو لحركة ياسر وكيف ضيٌع المدافعين ...
عموما ماابغى ادافع عن ياسر .. ولكن .. اللي استغربته ان الجمهور يقابله بصيحات استهجان
واستياء .. وبمجرد ماوقع ياسر المره الأولى سكت الجمهور الهلالي الحاضر ... ويوم تعالج ياسر
ورجع الملعب قوبل بعاصفه من التصفيق الحار ... طيب يااعزيزي يوم تخاف على ياسر من الاصابه
وتصفق له يوم قام ورجع الملعب ... معناته انك عارف وفي قرارة نفسك ان ياسر لو اصيب راح
تكون ضربه موجعه للزعيم وخساره جديده .. وراح تضغط على الفريق ككل لاعبين واداره وجمهور
وراح نخسره في آسيا لأنه من افضل المهاجمين...... طيب ليه تطلق صافرة الاستهجان على
واحد من لعيبة ناديك؟؟ ليه التحطيم؟؟ وفريقك مقبل على مرحله مهمه وعلى اعتاب الوصول لنهائي
آسيا؟؟؟؟؟ من جد بعض جماهيرنا محتاجين لتوعيه خاصه ... وتجديد الفكر الكروي لديهم ...
وماأقول غير الله يصلح النوعيات هذي ..
* تضحية رادوي من أجل الزعييم .. كان لها صدى جداً جميل ورائع من الجمهور الهلالي
الحاضر للمباراه .. وكانو يحيون رادوي مع كل كره توصله ... حتى يوم يغلط كانو يلتمسون له
العذرر ,,, * ماجد المرشدي .. رغم الانقطاع الطويل والغياب .. إلا انه قدم مبارااه جميله .. والجميع
كان يقول ياليتك ياماجد كنت موجود في مباراة الغرافه ... عموما بالتوفيق لماجد وان شاءالله
يستمر مستواه في التصاعد ويقدم اجمل مالديه بالمباريات القااادمه * عبدالله الزوري اعتقد انه مازال بحاجه للمزيد من الجهد .. واعتقد الانقطاع عن جو المباريات
كان مؤثر عليه بشكل واضح... وكان يعاني من بطء في نقل الكرات والتقدم .. واتمنى يدخل
جو المباريات بشكل اكبر بالايام القادمه ..
* فيصل الجمعان ... لم يكن اضافه للزعيم واعتقد نفس ادوار وليد جيزاني ونفس الاسلوب
وماعنده اضافه قووويه بصرااااحه.. لكن نلتمس له العذر كأول مشاركه مع الزعيم
ورااح نشوووف القادم * الزعيم كان يلعب وكأن المدرب طالب منهم يلعبو بأقل مجهووود .. ولو شفنا الأداء وكيفية
التحرك .. وعدم الضغط بشكل كبيررر على حامل الكره .. وعدم المبالغه بالهجووم ..
راح نتأكد من هالشي .. * عدد الجمهور 6852 .. هذا والزعيم ماخسر ولا مباراة بالدوري .. ومتأهل لنصف النهائي الآسيوي
... طيب لو خرجنا من الآسيويه... كم راح يكون عدد الجمهور اليوم؟؟ انا اتوقع راح يكون 600
ويمكن أقل كماااان .. وانا ماودي اتكلم عن الجمهور لأني بصراحه تعبت من الكلاااام .. وكل شي
واضح لكم
* الله يستر من الجاي .. ويااارب يحقق الهلال الآسيويه ... لأنه لو خسرها لاسمح الله راح يمر
بظروف حرجه .. واعتقد راح يلعب مبارياته بدون جمهور .. ولا دعم .. ولاغيرره ..
وفعلاً مسكييين ياهلاااااااااال .. اعداءك يتربصون بك .. وجمهورك مادرى عنك .. إلا من رحم ربي
* ماودي اطول علييييييكم .. دوبنا خارجين من الملعب .. ونبغى نرتاااح ... بس قلت اذكر عدة نقاط
ببالي ... واذا قصرت اعذرووني .. فمان الكريم   | 