إقتباس الرسالة الأصلية كتبت بواسطة هامور البورصه ياخي انت قاعد تتكلم عن مباراة السد وانا والله ما حضرتها ياخي الموضوع كله ان فيه اعضاء قاعدين يمدحون حسن الضيافة وانا واحد كتبت الي شفته اي ضيافه واي بطيخ الي قاعدين نقول عنها يعني لما ما يبيعون تذاكر ولما مايدخلونك بحجة المفتاح ضايع !!! ولما ما يبيعونك مويه ولا اي شي مغير بساكيت !! والجمهور الغرفاوي عنده كل شي وجبات ومويه وعصيرات وين حسن الضيافة الي قاعد تتكلم عنها ياخي كلنا العساكر تبسموا بوجيهنا بس وش الفايده لما يتبسم بوجهك ويغبنك بحركات بايخه اجل المفتاح ضايع !! بعدين ياخي ليه ما يبيعون تذاكر اجل عمرك شفت واحد يكلم جوال ومطنش المشترين يعني قمة الاستهتاار والغبن ياخي انا بنفسي تكلمة مع الي لابسين فنايل مكتوب عليها مجلس الجمهور الهلالي وقسم بالله ان رده لي انهم ما يتعاونون معهم وش نسوي ما نقدر نسوي شي وقاعد يتاسف وش معناتها !! فيه ناس جو الساعه 6،15 ودخلوا زي الحلاوه لكن وش ذنبنا حنا الي جينا بدري بحجة ان البوابات بتفتح الساعه 4 ليه تخلونا نجلس لين ست وربع !! بعدين ياخي انت جالس تقول مهوب منطق انهم يرقون انت لو كنت بمكانهم كنت بتسوي أكثر تشوف المباراة بتبدا وهم مطنشينك لا يردون عليك ولا شي ولا يبيعونك تذاكر يعني يروح مشواري على الفاضي ياخي اشوفها بالبيت وشاهي ومويه افضل لي حنا طاقين هالمشوار كله عشان ندخل الملعب ونشجع الهلال مهوب يستهبلون علينا هالقطرين مفتاح ضايع !!

شكرا اخوي على ردك

لكن اتوقع انك متحسس اكثر من اللازم مع اني اشوف اسوا من كذا بملاعبنا

وبالاخير هم ماطنشونا وياليت تقرا ردي مره ثانية وش كتبت.

المباراة راحت بخيرها وشرها

ووعد الحضور في 13 نوفمبر بطوكيو للنهائي مع الشباب بإذن الله

بروح اشوف مضايقات أمن اليابان