نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

ابودحه الهلالي · #4124 19/09/2010, 05:40 AM

هالثنين ما تلاحظون تضارب في ادوارهم ؟!
مره مره ما ينفعون مع بعض وانا اقولكم ليش ..
رونالدو ايمن دي ماريا اعسر " بغض النظر عن ان هدفه اليوم باليمين

" ..
اذا حطيت كل واحد منهم في جهة رجله كل تحركاته كانت الى خارج منطقة الجزاء " يروى لـ اقصى الجهة ويلعب عرضية ... " ولا استفدنا شي !
وان حطيت كل واحد منهم عكس جهة رجله صارت اختراقاتهم الى داخل منطقة الجزاء " غالباً ما تنتهي بالتسديد او التمرير لزميل " ! الزبدة اننا بعد ما استفدنا شي !
يعني بالعربي الواحد منهم يلغي دور الثاني الا في حالة ان كريس رجع يلعب كمهاجم ثاني !
لذلك على الرغم من ابداع دي ماريا في الشوط الثاني .. عكس الشوط الاول الي قدم فيه عك كروي وكانت عرضياته مثل خشمه

.. انا افضل البداية بـ ليون او تحويل رونالدو لمهاجم ثاني زي دوره مع بيلي !
هي نقطة بس حبيت اوضحها ولا احب اكثر في الباقي لان الغالبية كثروا كلام عنها عشان كذا بكمل ردي على شكل نقاط بسيطة ..

# بيبي .. في نظري كان نجم المباراة الاول رغم ان الجميع فضل كارفالو لكني اشوف بيبي كان توب خصوصاً في المواجهات الفردية " مان تو مان " .. ولا ننسى ان غطى على المضيع راموس كثييير اليوم .

# سوسيداد قدم مباراة خرافية بشكل عام في كل المراكز والجهات .. لكن احييهم على عزل الوسط " الي سوى 39 هجمة في المباراة الي راحت " عن المهاجم هيقوين الي حاول وحاول كثيراً لكن دون جدوى ! .. مورينهو لازم يتعلم من مباراة اليوم ان هذا وهو فريق اسباني قدر يعزل وسطه عن هجومه .. وشلون لا قابلنا لنا فريق ايطالي !!

# الي يقول يا لبى بنزيما وياليته ينزل دايم .. عشانه بس نزل وجته هجمتين .. ارد واقوله لا تقارن لي اخر 10 دقايق باول 80 دقيقة خرافية من محاور الباسكية .. اصلاً بعد هدفنا الثاني الصلب فضوا ملعبهم وراحوا قدام !

# ردة الفعل عند دي ماريا ضعيفة جداً صراحة " فيه فهاوة شوي

" .. يعني تشوف الكورة تنزل من فوق على المدافع وهو قريب منها ما يتحرك الا بعد ما يستلمها !! .. ياليت نشوف شغل على هالنقطة من ابو خشم

وياليته يتعلم من الدون

في هالموضوع .

# وان كان البعض يقول مارسيلو سوا الي عليه .. للحين اشوف البرازيلي موب كفؤ يكون ظهيرنا الايسر والكل بيتذكر هالكلام لا قابلنا نافاس ولا ميسي ولا روبينهو !

# كارفاليو

ضالتّنا وبس

.. الونسو .. أسوأ مباراة لهالولد من يوم وقع معنا .. هذا اذا ما كان في تاريخه كله .. تمريرات خاطئة .. مخلي الحمل الدفاعي على خضيرة .. وتسديدات طائشة مخيسة مثل وجهه وهو منعّم

.. تتوقعون العامل النفسي له دخل ؟ خصوصاً وانه يواجه فريقه الي طلعه للعالم !

بيييس كبير كبر خشم دي ماريا