الموضوع: 12 شوال الدوحــه تغرق " تعبئـه جماهيريـه "
مشاهدة مشاركة بصفحة مستقلة
  #1  
قديم 18/06/2010, 10:51 PM
الملـ 15 ـك الملـ 15 ـك غير متواجد حالياً
زعيــم فعــال
تاريخ التسجيل: 21/08/2007
المكان: في » 21/08/2007
مشاركات: 458
Post 12 شوال الدوحــه تغرق " تعبئـه جماهيريـه "
هبو ياجماهير الزعيم الطموحه
..................................... وردوعلى اهل الحقد واهل المكيده
الامر مايحتاج منا شروحه
......................................الحلم غالي والاماني قريبـه
نبي مداحمة الخيول الجموحه
...................................... عند المداخل والعزايم اكيده
نبي نشوف بملعب الدوحــه لوحه
.................................. لوحة جماهير الهلال الفريده


12 شوال بعد العيد ان شاء الله بتكون مباراة الهلال والغرافــه القطري بالدوحـه (الإياب)
وحاب ان الواحد يستعد ويريش باخوياه لأن الدعوه مآزرة الزعيم وتمشيـه بالدوحـه
خابر انـه بدري عـ الموضوع لكن من باب الإستعداد المبكر وللحجز أرخص




اشبكم ؟
مستانسيييييييييين مستانسييييييييييييييين

جماهير الزعيم بمباراة السد بالدوحـه الدور الأول سوت طهبلـه غير طبيعيـه حتى ان بعض جمهور السد جاء وبشك عندنـا
يقول فريقنا انصك وبجي انطرب > من حقـه
وكان العدد اقل بحكم الأفضليـه لصاحب الأرض من جمهور السد لكن تفاعلنـا غطى على رابطتهم جمهورهم


والحين بسرد لكم وسائل النقل المتاحــه للدوحـه





طيران عبر الخطوط القطريـه



او الخطوط الاماراتيـه
http://www.emirates.com/ae/arabic/




طيران العربيـه
http://www.airarabia.com/ar/home


* برايفت للأعضاء والمشرفين :
للصاملين من بعد اذن المشرفين فيـه امكانيـه افتح موضوع لتسجيل الأعضاء اللي بيسافرون طيران عشان نحجز مع بعض
في احد الخطوط ليكون مجموعه كبيره ونحصل على خصم خيالي بالتذكره




...

الخيار الثاني مسكة الخط عباره عن 550 كيلو من الرياض للدوحــه واهل الشرقيـه مايحتاج حذفـة عصى
بسيارتك وتفرفر هناك على كيف كيفك











رميـه جانبيـه



جمهور الزعيم وتمشيـه بسوق واقف والرحلـه ستكون لدعم الزعيم والتمشيـه بالدوحـه 2 في 1


موال



قريبيييييييين والله قربيييييييييييين


سفلكس خلفي

ماحد لـه عذر المباراة يوم الأربعاء بعد اول اسبوع دراسـه يعني اسبوع الجداول والموظفين يستاذن من دوامـه الظهر يوم الأربعاء ويدق سلف
* علماً ان هالمباراة آخر مباراة خارجيه للهلال بجنبنا وماتتفوت
صملوا اخوياكم وتوكلوا على الله



فاول تكتيكي

انت/ي مؤتمنـ/ـه اللي لـه عضويـه بالمنتديات الهلاليـه الرجاء نشر الموضوع فيهـا



اعتزال

اعذرونا على القصور وشغل البربسـه وعدم التنسيق
وشكر على مجهود الأخت : AL7BOOBH


كان معكم من خلف الكواليس كاتب الموضوع يقال له : جنــرال داشـــر .. وهو عبارة عن رجل مكافح يستحق كل التقدير على شغله اللي سواه من اجل الزعيم ومن كل شيء ازرق ويحلفون انه يدخن LM ازرق هذا كله حبأ في الزعيم ووفاءاً لـ اللون الازرق لكن مهما كان كلن مأخذ من اسمه نصيب .. تراه داشر وانتبهو منه لحد يطيعه على شراء تذكره ولا شيء لان خوفي يأخذ التذاكر ودايركت على البحرين ويسحب عليكم خخخخخ
اخر تعديل كان بواسطة » algohmani في يوم » 19/06/2010 عند الساعة » 12:30 AM
اضافة رد مع اقتباس