هلا بمشرفنا الأولاني ,,,

والله ياغالي فتحت مواضيع كثيره , وكل موضوع لحاله يبيله رد مستقل زي ماقال حبيبنا أبو فيصل لكن أبحاول أرد بشكل مختصر قدر الإمكان ,,,

أوافقك الرأي تماما في مسألة قلة مشاركات المشرفين بمواضيعهم وأفقك بعد أكثر في الأسباب اللي ذكرتها لقلة مشاركاتهم , ويمكن بعد من أهم مسؤوليات المشرف مراقبة المواضيع اللي تكتب في المنتدى اللي يشرف عليه وإبداء الرأي فيها وتنظيمها أكثر من مطالبته بكتابة مواضيع مستقله وبصوره مستمره .... يمكن هذا وزي ماتفضلت يقلل من مشاركات هذا العضو " قبل الإشراف " ,,,

بالنسبه للمواضيع والردود اللي تجي عليها من أشخاص معينين تحديدا فأعتقد إن الجميع ملاحظ هذا الأمر , وأحب أضيف نقطه ثانيه وهي إن فيه بعض الأشخاص اللي يحاسبك على إنك مارديت على موضوع أو أكثر له , ويتعمد مايرد عليك في مواضيعك مهما كان .... وهذا الأمر في منتهى الغرابه ومايعبر أبدا عن فكر راقي في التعامل مع مايطرح ,,,

بالنسبه لمواضيع الإستبيان فهي في غالبيتها مواضيع مالها داعي كاتبها أصلا ماعنده شيء يضيفه لإنه من أساسه مايكتب إلا مثل هذي المواضيع اللي يهدف منها زي ماذكرت لزيادة عدد الردود على موضوعه بإي وسيله ,,,

لفت نظري مؤخرا إستبيانين فيها الكثير من الفايده أو الفكره الجميله .... إستبيان كان عن أفضل الأفلام , وفيه شاهدنا أسماء جديده لأفلام رائعه وتذكرنا بعض روائع السينما العالميه ,,,

الموضوع الثاني كان عن كيفية معرفة شبكة الزعيم , هذه الشبكه العملاقه برجالها وأعضائها المميزين وأجبرت الجميع على الرجوع بذاكرتهم إلى الوراء وإلى خطواتهم الخجوله في بداية كتاباتهم ,,,

وفيه بعض الإستبيانات المقبوله نوعا ما ولو إنه كان من الأفضل إستبدال الإستبيان بموضوع شخصي من الممكن أن يفيد أكثر ,,,

بعض الأعضاء الله يهديهم ويصلحهم , إمتنهوا النقل بعد ما أخذوا عليه فتجد جميع مواضيعهم الرياضيه نقل من الجرايد أو المجلات الرياضيه , ومواضيعهم الخاصه بالكمبيوتر هي عباره عن نقل من الأقسام المخصصه للكمبيوتر في بعض الجرايد أو المنتديات ومواضيعهم الإجتماعيه هي عباره عن نقل من المنتديات الإجتماعيه لمواضيع إجتماعيه .... ولو تجي وتسوي " بحث " لمواضيعه ماتلقى ولا موضوع عليه الكلام كاتبه هو بنفسه !! ,,,

طيب وين لمستك الشخصيه على المنتدى , ووين مشاركاتك الشخصيه للنهوض بهذا المنتدى واللي فيه " فكرك " أنت مهوب فكر كاتب المقال ؟؟ ,,,

المشكله إذا محد عجبه بعد كذا ‍‍!! ,,,

طبعا أنا أتكلم في هذا الأمر عن نوعيه نشوفها في المنتديات وإن شاء الله الغالبيه العظمى من أعضاء منتدانا عكس كذا تماما ,,,

تحياتي لك ,,,