يا خوفي على فولهام يجيهم ما جاء ميدلسبرة فريق كان يقدم مباريات رائعة جداً و تأهل وقتها بطريقة على ما يقولون درامية و البعض يتذكر ذيك الايام و كيف كان البورو خاصةً الايطالي ماكاروني كانوا فريق نجوم فعلاً [ هاسيلبانك و فيدوكا و ماكاروني و داونينغ و بواتينغ ... ] و القاسم المشترك اللحين بين البورو و فولهام هو الحارس شوارزر اللي يتواجد ثاني مرة في النهائي

فولهام اللحين ايضاً يضم نجوم مميزين و شخصياً أشوف حظوظه أكبر في الفوز بتواجد هالكوكبة المتميزة اللي عنده إضافة إلى مدرب رائع جداً .. ميزة فولهام انهم يمتلكون البدائل القادرة على احداث الفارق مثل الهولندي نيفلاند .. التشكيلة اللي اتوقع يبدون فيها المباراة هي

شوارزر

كونشيسكي .. هينغلاند .. هيوز .. بانسيل

ميرفي .. إيتوهو

داف .. سيمون ديفيز .. ريزي

زامورا

خط الوسط و الدفاع و الحراسة ثابتين تقريباً .. ممكن لو شفنا تغيير بنشوف ريزي برى التشكيلة و يدخل بداله اما ديمبسي أو جيرا .. غيره اتوقع ما فيه مجال يغير في التشكيلة

ميزة فولهام على ما قال احمد انهم يهاجمون و يدافعون كُتلة واحدة .. يعني عادي لو نشوف ميرفي الشايب يوصل لمنطقة جزاء الاتلتيكو .. رغم اني اتوقع انهم بيتحفظون لكن هذا اللي يحصل المباريات الماضية للفريق .. و ميزتهم بعد ان شوكتهم ما تنكسر بمجرد دخول هدف عليهم .. قدام اليوفي انهزموا 3 بالذهاب و تأخروا بهدف في الاياب و رجعوا بقوة و تأهلوا .. قدام هامبورغ تأخروا بهدف و في خمس دقائق تقريباً رجعوا للمباراة و تأهلوا .. فريق ما يستسلم بسهولة و يلعب بروح كبيرة

بإذن الله يفوزون مهما تكون النتيجة لو بلنتيات لأنهم يستاهلون بصراحة

إقتباس إعداد :MANU10 - Lover Royal تصاميم : Keiko

الله لا يهينكم