مساء الورد ,,

كنقاط :
1- كل شيء بتوفيق رب العالمين ,,
2- الطيبون للطيبات :
-- >مليون مره أقولها ومازلت أقولها لكن مو معناتها اللي ماتتوفق بحياتها معناها خبيثةممكن يكون ابتلاء من رب العالمين ,,
3- سوء الإختيار من قبل الزوجين ,,
4- في من يمنع ماحلله الشرع (الشوفة الشرعية) وغيره ,,
--> وينصدمون الزوجين ببعض هع مو قصدي الوجهه اقصد الراحة النفسية والقبول ,,
5- ممكن بسبب اختلافات بـ :
العادات/المستوى التعليمي/المادي / التفكير/ فارق العمر يكون كبير ووو
-->بعضهم يتأقلم مع الاختلافات والبعض الآخر لا .

6- التفكير السطحي لـ مثل هالأمور المهمة سواء زواج/ دراسة /وظيفة
---> كثير على بالهم الزواج تماشي وتعاشي ,,
7- في بنات وشباب يغفل عنهم إن الحياة الزوجية شراكة :
---> تلاقين الزوج يسهر لـ تالي الليل مع اخوياه وناسي إن هالوضع اختلف لاحضت من حولي يعانوا من هالنقطة
ونفس الشيء بعض البنات تنام وتصحى متى ماتبغى ومعطية طنش لـ الزوج ,,

8- الاحترام أهم من الحب بوجهه نظري وغير كذا اللي يحب يحب بالفعل مو بس بالكلام
---> لان في بنات تقول أحب زوجي وتضغط عليه من ناحية المادة مثلاً كيف تجي ؟
--->أو مطلعه كل أسرارها الزوجية لـ أهلها وصحباتها >

9- في من يرمون أذنهم لكل من هب ودب ومايروح فيها إلا هما أو في من يبغى حياته مثل حياه فلان وعلان وتبدأ المقارنات من الزوجين وعاد من بعدها تجي المشاكل ,,

هذا اللي عندي وماقصروا اللي قبلي ,,
الله يعطيك العافية