نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - خمسين يا صاحبي .. سنين يا خوي .. ياليت تعطيني شعوركـ في هاللحظات .. !

abdullah bin saad · #1 20/02/2010, 10:30 AM

السلام عليكم ورحمة الله وبركاته ..

الف مبـروك البطولة الخمسين في عمر الهلال الـ 53 .. بسم الله ماشاء الله تبارك الله .. وبطولة ورا بطولة والهلال من يطوله .. وعقبال العاصية نجيب رأسها يارب ..

ياليت توصف شعورك لي في هاللحظات ..

أول لحظة .. إصابة الكابتن ياسر في الشوط الأول بعد العرقلة من جفين البيشي و دخول سيارة النقل ( بالذات اللي كانوا ينتقدون مستوى ياسر ) ..
" بالنسبة لي خفت والله وقلت في نفسي الله لا يجيب الإصابة ياسر حتى لو في أسوء حالاته مهم في الملعب ".

ثاني لحظة .. الهدف الأهلاوي الأول خصوصاً بعد سيطرة الهلال ..
" كنت وقتها أكلم واحد من الشباب وقفلت في وجهه الخط .. وقلت في خاطري وش ذا الحظ من أول هجمة قوول .. بس أقسم بالله كان عندي إحساس برجوع الزعيم في الشوط الثاني أو قبل نهاية الشوط الأول ".

ثالث لحظة .. الهدف الأول أيش اول ردة فعل لك ..
" أول شيء كنت أبغى أتاكد قووول و الا طلعت و مرمى للأهلي .. بعد ماشفت الاشقراني يركض وفرحان قلت الله يسعدك يا أبو عزوز لأنه هو اللي تعب في صناعة الهدف .. يلا يلا نبي الثاني قبل الإضافية ".

رابع لحظة .. هدف الهلال الثاني من أبو عبدالعزيز الجديد (نيفيز)

..
" طقيتها تصفيره مرفقه مع كلمة يالبيه مع حاله هستيريه و ابرك شيء إني لوحدي".

خامس لحظة .. الكورة اللي في العارضة في الدقايق الأخيرة ..
" واااااو .. الحمد لله إنها ضاعت ".

سادس لحظة .. يوم تشوف الحفلة يدون عبدالرحمن بن مساعد ..
" فيه بدر ناقصهم يارب ترجع لنا سالم وبصحه وعافية ".

سابع لحظة .. يوم تشوف جيرتيس يفر الملعب يحيي الجمهور الهلالي ..
" يلموني حبيبي فيك صراحه قمة الروعه .. جهد كبير سويته ".

آخر لحظة .. يوم شال ياسر القحطاني الكأس و راح غرفة الملابس ..
" كرهتكـ ياشيخ وش دعوه نبي نحتفل معكم

".

بعد نهاية المباراة كنت أفكر في عيسى و اقول في نفسي من جد لا خاب من إستخار و لا ندم من إستشار .. محسود يا عيسى على فريقك الجديد تخيل لو لحظة تهورت ورحت لفرقة يحلمون ؟؟

في مصطلح البلوت من يسمع الواحد يقول خمسين اعرف ان خويكـ بينط من الفرحة مردداً (سنيييييين ياخوي) .. واللي على جنبك تجيهم رجفة وخضة بطن .. عشان كيذا أقول يارب عقبال الـ 100 وعقبال الـ 400 .. عشان اللي جنبنا تجيهم حالة إغماء على طوووول .. ( أبو فيصل اللي نزل الـ 50 .. و أبو سعد اللي رد عليه الصوت .. وجيرتيس و سامي ينتظرون دورهم جالسين على جنب

).

خارج عن النص ..
كنت من المتابعين لبرنامج صدى الملاعب .. لتميزه في (بعض) المواضيع لكن شكل البرنامج بيلحق خط الفتنه .. خصوصاً في إحتفالية الزعيم أمس والضيف كان فهد الهريفي و كان فيه نوعاً ما من الاستفزاز للجمهور الهلالي .. خصوصاً في قناة محايدة ويصرح ويقول كنت أتمنى فوز الاهلي بالبطولة

.. بس حااااامض على بوزك .. وخلك جالس على جنبك كل شوي تتلوى شكل الهلال امغص بطنكـ .. رسالتي ونصيحتي لـ القائمين عالبرنامج لااااا تخسرون جمهور و إدارة نادي الهلال لانكم ماراح تحصلون خير لو خسرتوهم واكبر دليل خط الفتنة ..

دمتم في خير و زعماء دائماً و يارب يارب العاصية نجيبها هالسنة .