كيف بتنتهي المباراه .. بترجع لإسلوب اللاعبين والفريق بشكل عام بالملعب ..
بالمواسم الماضيه بهالدور وقدام الفرق الكبيره ..
الفريق يلعب وهو مرتبك .. اللاعبين كلن يبي يناول ويتخلص من الكوره باسرع طريقه ممكنه !
اخطاء بدائية بالتمرير او بالتمركز او بالدفاع تحوق كل شيء للفريق ..
بمدريد مافي تهيئة نفسية صح للاعبين .. الصحافة عادة تكون سلبيه وتمارس ضغوط غير عادية على الفريق.
هالشيء تشوفه بالإرتباك الكبير للاعبين بالسنتياقو برنابيو .. وعادةً ما يكون خروج الفريق من البرنابيو..
يوم نتكلم عن الإسلوب فأنا اقصد ان الفريق بالسنوات الماضيه يعطي الفرصه للخصم انه يمتلك الكوره ..
او انه يسيطر على المباراه اغلبها ثم يتراجع بفترات معينه ..
هالشيء هو اللى يوهق الفريق ويعطي للخصم فرصه انه يكتسب الثقه ويحرج الريال بأهداف لخمه !
بمباراه ميلان الذهاب مثلاً .. شوط اول مقبول لكن بمجرد ماعطو الميلان المساحه ومسك اللعب
انهز الفريق والدفاع بكل بساطه ..
الفريق من ديسمبر تغير اسلوبه بالكامل وصار يسيطر على الكورة اغلب فترات المباراه
وصار هناك تنويع لـ اللعب وبالرغم ان اهم عنصر من عناصر الدفاع مصاب لنهاية الموسم إلا اننا ما عانينا كثير بالدوري ولا جات هجمات تلخم الدفاع او تطلع سوء الدفاع ..
جزء كبير من مكينة التغيير هو الدور اللى يلعبه ألونسو بالوسط
واللى باختصار العمود الفقري للفريق و وجوده اهم من رونالدو وكاكا وبنزيما !
اذا لعب الفريق بطريقة هجومية وسيطر على وسط الملعب
ولا استعجل على التسجيل بذاك الوقت نقدر نقول ان الريال بيحقق نتيجة ايجابية ..
ليون ماهم سهلين بالأبطال .. كون انك تلعب قدام فيرونتينا وقدام الليفر وتحقق نتائج قوية بملعبك
فذا الشيء يدل انهم ماراح يكونون مارسيليا بالنسبة لك ..
دفاعهم قبل ثلاث اهداف بالأبطال .. بينما ياكل خمسه قدام مارسيليا بالدوري ؟!
هجومهم قوي جداً .. بينما انت دفاعك ما اختبر بمهاجمين عليهم القيمه خلال الفتره السابقة !
اذا ما تأهل الريال بهالمره صعب نحقق الابطال بالسنوات الجايه !
بالتوفيق لنا ..
