| [ALIGN=CENTER]اولا من ناحية شعبية الاتحاد عطهم بس 10 سنوات وشف وين توصل شعبيتهم ياحبيبي نصف الجماهير اللي تشجع هنا وهناك تبي فريق يفوز وياخذ بطولات والنصف الباقي وانا متاكد انه اقل من الاول يشجع بعشق بحب ماهو تشجيع اي كلام يعني النصف الاول يروح ويجي ماهو ثابت من الثاني اللي ماعليه خوف وهذي وجهة نظري وانا اشوف ان هذا الواقع اللي يصير عندنا .
امام من ناحية البلوي وذكائه من عدمه الرجل اول مااستلم الاتحاد وهو كانه مشتري شركه
يتعاقد يشتري يبيع يستثمر هذا مايدل على ذكاء والا كان نجح في كل شي واحنا شفنا كيف فشل مع اللاعب اللي جابه في المباراة النهائيه ولااستفاد .
باختصار البلوي ذهين تصيب معه كثير وتخيب قليل ولو ان الفلوس لها دور كبير .
عموما بالتوفيق لكل من يجاهد ويساهم في تطور ناديه واتمنى يكون في بلدنا اكثر من بلوي ماعدا حركاته البايخه
اخيرا موقع نادي الهلال سواءا هنا والا هناك ماهنا فرق ومع كامل احترامي للعضو ساميو فكلامك عن بعد موقع نادي الهلال وان هذا سبب عزوف الجماهير للتمارين فلا ياحبيبي اللي يبي يجي للنادي بيجي والله لو ان النادي في المزاحميه ويكون في علمك جماهير الهلال هنا وهناك يعني ماهي مقتصره على الشمال يالحبيب واتحداك تنكر ان مافيه جماهير اوفياء لا وازودك من الشعر بيوتهم مابينها وبين النادي الا زلفة باب ومع ذلك مايحضر كثير للنادي.
تقبلوا تحياتي جميعا ولكلام هذا يظل وجهة نظر اتمنى تتقبلونها .........[/ALIGN] | 