نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

عقـل الهلال · #10 09/01/2010, 03:21 PM

محبة من بعد عداوة هي أنجح العلاقات اللي تتكون من بين الاصدقاء ولا يمكن يمحيها البعد والزمن .

عن نفسي أنا بما اني عصبي شوي

وبسرعه ارضى فا كثير تصير لي علاقات من هالنوع لدرجة الأصدقاء فعلياً لي انا واللي هم بحايل اللحين وماخذين استراحه نتجمع فيها يومياً واجيهم اذا صرت بحايل كانت بيننا هوووشه عوودة تخللها الكثير من الجولات

وكل واحد يندبج ويبي ياخذ حقه لين دخلنا مركز الشرطة وخذينا توقيف وعرفنا ان الله حق

وتصالحنا بالمركزوتعهدنا مانعودها وبعدين صار سلام بالمدرسة وكيف الحال ووش الاخبار

وصارت لهم هوشة بالمدرسة وشلتنا فزعت مع شلتهم ومن بعدها صرنا اصدقاء ان شاء الله ما يفرقنا الا الموت . لأنهم بالفعل اصدقاء بمثابة الأخوان .

أما الطراقات والفلقات ياما حصلت لي من لدن الجنس الناعم

بما انه اكرهكم كره العمى

ووحدهـ الله يسامحها حطت لي علامة باللسكسوكه كل ما حلقت اتذكرها

وهاللحين عندها ولد وبنت وكل ما شفت زوجها اذله فيها واقول شف ترا هذي من زوجتك اذا كبر ولدك بسوي له نفس هالعلامة

ويقول تكفى افلقه من هاللحين وخلصنا من سالفتك هذي

شكله يغار

ملاحظه

ليش كل البنات اسمهم ريم وسارة وحنان وعبير وشوق

طولت صح !؟ وش اسوي الموقع خربان ما صدقت على الله يزين اليوم , بطلع حرتي لي كم يوم ما كتبت شيء

دمتم