هذا كم مقطع لمسعود اوزيل ...
كانو مسوين شغل هو ودييقو .. وجنن بالمشترك بسرعته .. OZIL 1 بالمقطع الثاني ... تابعو تحركات بيدزارو .. المهاجم هو الي يصنع لنفسه اسم ويصنع للوسط اسم ...
اذا المهاجم يتابع الهجمه .. ويفتح للوسط وهيء للاعب انه يناوله اكيد بيلعبله اي لاعب وسط ويقشرله ومنها يصير هذا هداف ومنها لاعب الوسط يقاله فنان وقشر اهداف ..
لكن اذا مهاجمك متوفي زي اماوري عطوني الكوره علي راسي واصبرولي لين اصل المنطقه ومابي احد من الدفاع جنبي وبالاخير يمكن اسجلها .. بكذا يندفن صانع اللعب زي دييقو الحين .. وبرضه المهاجم ما يسجل ،، والخسران الاكبر الفريق
شوفو بيتزارو بس .. OZIL 2 بالاخير لاجا للجد ... اليوفي ماهو بحاجة اوزيل مع انه لاعب فنان وتمنيته يجي بدل دييقو لكن الحين الفريق ماهو بحاجته ..
باعتقادي اولويات الفريق ..
1- مهاجم قناص = دزيكو هذا افضل الموجودين الحين وماهو غالي مرره
واذا خلصنا من المهاجم
2- قلب دفاع مكان كنفارو.
3- ظهير ايسر .
4- اذا ما شرو كاسيريس يكون الظهير الايمن قبل المهاجم حياك الله اخووي بين اخوانك .. وماحد يزعل من النقاش ..
بالنسبه لتريزي واوماوري ،، انا قلت ما اتوقع يلعب تريزي ،،، لكن مدربنا مخنبق لعب دلبييرو اساسي وهو توه راجع من اصابه وخسرنا من بوردو ..
ونفس الخطا لعب ماركيزيو اساسي وهو توه راجع وخسرنا من كالياري ..
حاليا اماوري يقدم مستويات سيئه هذا (1)
المدرب ماعنده خبره ويمكن يكون يبحث عن الفوز باي وسيله وهذا (2)
المدرب له سوابق باشراك اللاعبين الي توهم جايين من اصابه (3)
كل هذا تخلينا ما نستبعد اننا نشوف تريزي اساسي
---
بالنسبه لكاسيريس .. اللاعب ماهو فنان وخورافي .. لكنه اقدر اقول جيد مع العلم انه ما لعب الا كم مباراة اساسي ومسوي شغل وصنع كثير من الاهداف الحاسمه ..
وغير كذا اللاعب صغير يعني 99% قابل انه يتحسن مع الوقت .. وكثير من اللاعبين يكونون عاديين او سيئين اول ما يجون لاي فريق ومع الوقت يتأقلم اللاعب بالفريق وتسطع شمسه ...
بالنسبه لي ،،، انا اتمنى انه يستمر اساسي لأنه افضل الموجودين .. ومن هنا لاخر الموسم الاداره لها الحق انها تشتريه ب12 مليون
وبالنسبه لمركزه هو يلعب قلب وظهير ... حتى ايام البرشا .. بس كان يعيبه بالبرشا ان اكثر تمريراته خاطئه
لكن من ناحية قطع الكور كان ممتاز ... والبرشا لو ما عندهم الفيس اكيد ما راح يتركونه يجي لليوفي ..
حياك الله بيننا !!!!
