نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

ولد حصه · #1 03/12/2009, 12:45 PM

سلامن عليكم و رحمة الله ..

لا مدخل و لا هم يحزنون بخش في لب الموضوع و قشرته على طول ..

انا قدر الله علي يا جماعة الخير و في شهر واحد اخوي
و كل شلة ( السلنتح ) و في رواية ( السرجيل ) الي معي
سافرو و خلوني اصارع امواج الغربة وحيدا

فالزبدة انتي كنت احاتسي لي شخصن يعز علي و سألني :
فلان : بشر يا ولد حصة كيف امورك عساك مبسوط ؟؟
أنا : و الله الحمدالله كل شي بخير و تمام ..
فلان : تسذوب صوتك يدل على انك يا مبربس يا فيك بلا

أنا : مدامك قعفطتني الصراحة ان صديري ظايق و اني SAD
فلان : سلامات وش صاير ؟؟
أنا : ابد بس السلنتح الي اتسكع معهم يوميا هجو و انا تاكي
هنا اقشر بقدونس

فلان : الله يخسك و انا احسب فيه مصيبة و لا شي

أنا : هذي بالنسبة لي مصيبة ..
فلان : اقول خلك رجال و انثبر الدنيا ما وقفت فاهم و لا لا ؟؟
انا : طوط طوط طوط طوط ...

//

السؤال الي يسدح نفسه هنا :
هل بما انك رجال المفروض ما يكون عندك احاسيس و يكون قلبك حجر ؟
و هل عيب ان الرجال يبين احاسيسه و لا عشانه رجال يكتم
بقلبه لين يجيه ظغط و سكر و ٦٦ جلطة عشان يثبت انه رجال ؟؟؟

............

..............

شخبطه : ولد حصة ١:٥٨ ص 3/12/2009