مشاهدة مشاركة بصفحة مستقلة
  #19  
قديم 12/07/2001, 07:03 PM
أبوعبدالرحمن أبوعبدالرحمن غير متواجد حالياً
زعيــم جديــد
تاريخ التسجيل: 19/03/2001
المكان: الرياض
مشاركات: 43
أختي الفاضله مفتونه الله لايفتني واياكي فيما يغضبه
سؤال جميل وهو ماهي قناعتكم ببطولات الهلال وسعود؟
الأجابه وهي وجهة نظر شخصيه تحتمل ان تكون صح وتحتمل غير ذلك فهي وجهة نظر مراقب للهلال من فتره طويله أطول مما تتصورين (مانيب قايل عمري)
لدرجة أني أتابع الهلال قبل أن يولد بعض المشاركين في المنتدى بتقولين كيف عرفت من المعلومات المكتوبه عن المشاركين ومن أحد الأستفتاءات اللي سواه واحد من الأعضاء فعرفت أني بالنسبه للكثير منكم عندي خبرة أطول بالهلال بما فيهم رئيسه .
على كل حال بالنسبه لقناعتي ببطولات الهلال هالموسم بلا شك بطولات لها قيمتها ووزنها وفرحنا بها لكنها جاءت بطريقه خجوله جداً يعني كان مستوى الهلال فيها أقل بكثير من مستوى الهلال الحقيقي طبعاً بينط واحد ويقول المهم البطوله والمستوى مايأكل عيش أباقول له غير صحيح فعمر الهلال اللي عرفناه هلال البطوله هلال الفن فاز ببطوله دون مستوى يشهد له فيه الخصم المحايد قبل المحب للهلال ولو ابي افصبل شوي ارجعي لأول بطوله اللي طبعاً ليس لرئيس النادي فيها تأثير يذكر لأنه ماأستلم الهلال إلا قبلها بيومين يعني بصمته فيها غير واضحه بل للأنصاف غير موجوده.
المهم الهلال قدم مستويات غير مقبوله اللهم مباراتين مع شباب المحمديه قبل النهائي وبالعافيه فزنا ومع النصر في النهائي اللي أقصده البطوله هذي هي البطوله اللي يمكن تقول أن الهلال اللي نعرفه ظهر فيها فقط في المباراتين اللي قلتلك عليها.
أما السوبر فالهلال كان مقبول لاحظي مقبول في المباراة الأولى لكن في الأياب كان سيئ جداً والحمد لله أن الله وفقنا وخذيناها وإلا المستوى000000 خمسة أصفار.
أما بطولة النخبه فمثل ماكتب أحد الرواد هنا وأعجبتني تسميته لها هي بطولة العبره وكان حظ الهلال فيها والحمد لله كبير مره وعلى فكره وهي البطوله الوحيده اللي أنا أعترف بأنها والحمد لله كان الهلال فيها محظوظ والسيناريو فعلاً عجيب ولكن مثل ماذكر اللي سماها بالعبره لأن النصراويين ماخلوا منكر من قذف وسب للناس إلا وسوه فكانت لهم عبره وإلا الهلال مستواه فيها أقل من المقبول.
الأخيره بطولة الرئيس حسني حقيقه والله أني فشلت قدام بعض زملائي المصريين مع أن الهلال فايز لكن صراحه تشبهين هالمباراه بمباراة بين فريق ثانوي وهو الأسماعيلي وفريق ابتدائي وهو فريقنا ولعبوا بنا بشكل عمره ماصار بالهلال.
هذا بالنسبه للشق الأول من السؤال بالنسبه للشق الثاني فمن الشق الأول أقول أن المسئول الأول من وجهة نظري ودون زعل من أحد انه رئيس النادي وحقيقة الرجل مؤدب وخلوق ولكنه ليس بصاحب قرار إطلاقاً وإلا في تاريخ هذا الكيان لم يشهد الهلال سقطة في مستواه كما هو هذا العام مع أنه حقق تلك البطولات فأنا أرىأن الأمير سعود بحماسه وحيويته قد يكون المنصب المناسب له نائب الرئيس أما الرئيس فلا فهو بحاجة زيادة الخبره في التعامل مع أعضاء الشرف ومع القرارات الحاسمه كموضوع المدرب وغيرها من الأمور التي بلاشك من وجهة نظري الشخصيه أنه يفتقدها.
أبو محمد (بندر بن محمد) رب زمان بكيت فيه أذا صرت في غيره بكيت عليه.
وسلامتكي أختي العزيزه مفتونه.