26/09/2009, 11:50 PM
|
 | زعيــم نشيــط | | تاريخ التسجيل: 09/02/2005 المكان: هناك ...حيث لا أحد !!
مشاركات: 721
| |
تحية طيبه ومبروك الفوز اما بعد
الليله بديت اشك وارى بوادر فشل المدرب بلقريني
واتوقع وان شاء الله يخيب توقعي اتوقع يتم عزله في الشتاء القريب
مدرب مايعرف كيف يتعامل مع المباراة على ارضه وبين جماهيره وقدام فريق صغير مثل تينيرفي
يعني لازم تنزل كاكا عشان تحكم قبضتك على المباراة
اجل وش فايدة اللاعبين الاخرين من محاور واجنحة ومهاجمين واظهره
نعم الشوط الاول عجز بلقريني كعادته ان يحرز هدف مبكر ويقضي على المباراة
لانه لاقى فريق بطل كشف الطريقه التقليدية لدى بلقريني الفاشله والعجز في صناعة اللعب من العمق
عجز ايضا ان يضغط على الفريق في نص ملعبهم
بل عجز ان يبني هجمه منظمه تبدا من الدفاع وتنتهي بتصفيق الجمهور
بل كاد يعجز عن صد هجمات تينيرفي واختراقاتهم الخطيره
اللى صار كلها محاولات واجتهادات من رونالدو واللاعبين الاخرين
ياخي عندك بنزيما رونالدو الونسو ديارا وغيرهم في الدفاع على اعلى مستوى كذلك الاظهره
وكل هذا عجز انه يجاري تينيرفي او انه يفرض سيطرته على المباراة
تخيل لو انهم برشلونه او اشبيلية وكاكا مصاب وش بيسوي
اقسم بالله مهزله
طيب عندك بديل كاكا وهو قوتي ليش راكه احتياط
اما انك مريحهم كلهم هذي ماحد سبقك عليها
اجل يجرب 4 لاعبين في مبدأ المداوره خخخخخخخخخخخخخخخخخخخخخ
درينتي بدال مارسيلو ماجبت شي جديد ظهير مكان ظهير
راؤول اللى من الف واربعميه ورضمه وهو يلعب معنا بدال هيقوين ( مو مبدا مداوره بل غصب عن خشمه )
الونسو لامداوره ولاشي لاعب اساسي وراجع من الاصابه
ريحت كاكا
وين البديل الاساسي ( فاندرفارت او قوتي )
راؤول او سرطان مدريد واضح غيابه التام عن المباراة وواضح انه تائه ومسوي لاعب حر في الملعب ( معقوله مشت على بلقريني )
ليش ماتخرجه وتدخل هيقواين او كاكا او قوتي
طيب انا عارف انه اصغر من انه يتجرأ على اخراج راؤول العاهه طوال ال 90 دقيقه
ليش يطلع رونالدو وهو متحمس انه يسجل وخطير طوال المباراة ومسوي ازعاج لتنيرفي
يعني بتريحه والمباراة بنهايتها خخخخخخخخخخخخخخخخخخخخخخخخخ عجيب امرك يابلقريني
والله ياجماعه تصرفات بلقريني ان دلت على شي فتدل على قصور واضح وعجز في ادارة الفرق الكبيره التي تحمل اسماء كبيرة ونجوم كريال مدريد واعلام قوي وضغط من الجمهور والصحافه الخ
بلقريني حده فريق متوسط لايتواجد فيه اكثر من نجم واحد فقط او اثنين
لا ويشبهونه بفينجر اسبانيا خخخخخخخخخخخ
والله يفحط ويحب الثريا ماوصل لربع تفكير فينجر
والبقيه يهايطون انه عرف يقرا المباراة ويغير مجرى المباراة الى فوز ثمين
يا جماعه شوية منطق وشوية عقل
والله المباراة اقل من عاديه واجزم لو احط اصغر مشجع للريال في الرابطه يقدر يقلب الطاوله على تينيرفي
كاكا حفظ ماء وجه بلقريني
تخيلوا الريال عجز يفوز وش بيصير موقف بلقريني 
خاصه انه على ارضه وقدام فريق ضعيف
ما اقول الا الله يستر
مادوي اطول عليكم
واتمنى انه بلقريني يرد علي ويخلينا نشوف فريق قوي
المشكله انه طموحاتنا تريد ان الريال يهز اوروبا
مو بس الفرق الصغيره او مجرد الحصول على توليفه متناسقه من اللاعبين
دمتم سالمين  |
