22/09/2009, 11:39 PM
|
 | زعيــم مميــز | | تاريخ التسجيل: 18/09/2004
مشاركات: 2,529
| |
السلام عليكم
عيدكم مبارك 
عجزت أستوعب وش مشكلة انتقاد راؤول ؟!
شخص جالس يشوف راؤول يلعب أساسي في حين إن دكة الاحتياط فيها أشخاص أولى منه .. وش المشكلة ؟!
شخص شاف راؤول سجل ، لكنه مقتنع ان هيجوين أفضل وبإمكانه يسوي الي سواه راؤول وأكثر بشهادة أهدافه ومستواه العام الماضي .. وش المشكلة ؟!
شخص يرى إن ضعف راؤول بدنياً يتسبب في رجوعه للخلف حتى يحاول يلمس الكورة لعجزه عن مجاراة رتم الفريق السريع .. وش المشكلة ؟!
شخص في رأيه إن بن زيما من المفترض يطلع للطرف ويبقى راؤول المهاجم الصريح لأن بن زيما ضعيف داخل المنطقة عكس خارجها .. وش المشكلة ؟!
كل هذي أشوفها آراء منطقية مافيها أي إساءة
كل المنظمات الحقوقية تحفظ للإنسان حقه في حرية التعبير .. ليه ندوّر الدكتاتورية في الرابطة ؟!
هل انتقاد لاعب ( له تاريخ ) يُعتبر إساءة ؟!
هل استمرار نقده لوقت طويل يعتبر نسيان وتحطيم لتاريخه ؟!
أجل ليه كان الكل ينتقد سلجادو ؟ الي كان في وقت سابق من أفضل الاظهرة في العالم
وكان مميز ولا يختلف عنه اثنين !
ليه كنا نشوف ناس تتمنى خروج كارلوس قبل العام وتنتقده كثير ؟!
إذا قلت ( مثلا ) كابيلو يتحمل خسارة مباراة .. هل هذا يعني انه مدرب فاشل ؟
أو إني ما اعترف بتاريخه ؟
ياما كنت أشوف ناس تنتقد روبين ..
رغم إنه يقدم مستوى أحسن من كل لعيبة الفريق ويشيل الفريق ويفوّزه ..
وقبل العام انتقاد لإصاباته وتهليل لميسي ( الي أثبتت الماركا ان مجموع اصاباته اكثر من روبين في هذاك الموسم )
ليه ماجيت قلت اسكتوا لاتنتقدون ؟!
الرابطة مكان مفتوح .. كل واحد ياخذ راحته ويتكلم بالي يبغى
ينتقد يشكتي يقول رايه بحرية ..
المهم مايتعدى حدود الأدب بألفاظ غير لائقة أو إساءة لأحد الأعضاء !
انتقاد كاسياس من العام الماضي ..
ورى ماقلنا اسطوانة مشروخة ملينا منها ؟!
كاسياس سيء في العرضيات والانتقاد له فيها من مدة طويلة
نقول خلاص اسكتوا لاتقولون سيء في العرضيات لاننا ملينا من هالنقطة ؟!
مادام الخلل موجود ، فـ للجميع حق الانتقاد
وشخصياً
أرحب بانتقاد ( كل ) آدمي
لأن الانتقاد ( مهما كانت فكرته ) يظهر لي أشياء كانت خافية علي ..
والشي الي مايقنعني أقدر أتنقاش مع صاحبه أو اتجنه وأتركه .. وش بيضرني إن خليته يقول رايه ؟!
بنقص عين والا يد إذا قال شي ما أعجبني وخليته !
شوي منطق الله يعافيكم
وخلوا الناس تاخذ راحتها في المكان الي يحبونه
كفاية عليهم الدكتاتورية في كل مكان
----
طريقة بلجريني 4-4-2 من زمان وودي تتغير
والحمدلله الأخبار اليوم تقول إن فيه بوادر للتغييـر
4-2-1-2-1
هذي الطريقة المثلى في كرة القدم الحديثة حالياً
وجود لاعبين داخل المنطقة مع لاعبين خارجها مايعتبرون لعيبة وسط تقليديين ( كريس ، كاكا )
يعني زحمة يصعب تنظيمها في المقدمة ، وهي الي تشكل صعوبة على الريال في التسجيل أعتقد
وتفقده السيطرة على خط الوسط ..
الريال لو هاجم بالأربع أسماء فقط .. معناها إن المرتدة في نص الملعب بيواجهها لاعبين بس
وهذي مشكلة كبيرة .. على أساس ان الأظهرة بيكونون متقدمين في الغالب .. ولايبقى الا المحورين في نص الملعب
على عكس لو كان فيه ثلاث لاعبين .. محورين ولاعب دائرة !
لاس - الونسو
غرانيرو
ممتازة جدا في كل المباريات وتقدر تملك نص الملعب هجوما ودفاعاً
لاس - مامادو
الونسو
مهما كانت قوة الهجوم المقابل ووسطه تقدر تملك الملعب قدامه وتسكر عليه كل المنافذ
الثلاثي هذا ناري وقوي وبإمكانه يشيل فريق مهما كان ضعيف ويتسبب في فوزه
دفاعيا وهجومياً هذا مثلث برمودا الأبيض
-----
بالنسبة للإحصائيات والاعتماد عليها
أشوفه أمر يفتقد للدقة
لأن قلب الدفاع مثلا ممكن يكون صاحب تمريرات صحيحة 100%
لأنه يلعب في الخلف بدون ضغط وكل تمريراته ميّتة للمحور أو للظهير
ونفس المنطق ..
جاجو ولاس ..
الرقم موب وحدة الحكم .. ممكن ألعب 70 تمريرة ميتة كلها صحيحة
والثاني لعب 50 تمريرة لكن منها 20 خطيرة
الثاني بكل تأكيد أفضل !
لأن كل لاعب سهل يمرر الكورة للاعب الي جنبه
لكن موب كل لاعب ممكن يلعب كورة تخلخل الدفاع المقابل !
أنا ما اتكلم عن مستوى جاجو ترى
أنا اتكلم عن ( طريقة الحكم بالإحصائيات هذي ) فقط !
|
