أشوا إني سألت قبل لا أتهور وأسويها ,,,

شف طال عمرك السي دي رايتر هذا الله يحييك هو بتعريف بسيط اللي يكتب المعلومات على السي دي .... سواءا كانت صوتيه مثل ما أنت تبي او صوره مثل الأفلام أو حتى برامج كمبيوتر وغيره ... يعني يكتب على السي دي كل المعلومات اللي تلقاها بأي سي دي ,,,

مهوب مثلا مثل السي دي روم اللي عندك بالجهاز .... اللي عندك بالجهاز هذا قاريء فقط للمعلومات ... يعني تحط السي دي فيه وهو يقرا المعلومات اللي فيه سواءا كانت صوتيه او صوت وصوره مثل الأفلام أو مثل بقية البرامج اللي تجي على السيديات ,,,

السي دي رايتر نقدر نقول عليه نوعين ...... نوع يجي في داخل الجهاز " مدمج " مثل السي دي روم اللي يجي مع اي كمبيوتر والنوع الثاني يجي خارجي ... يعني يركب خارج الجهاز " مستقل "ويتوصل مع الكمبيوتر وهو الأغلى لإنك تقدر تاخذه معك في أي مكان وتقدر تسلفه لأي واحد محتاج ولا عنده حق بكت دخان مهوب يروح يشتريله سي دي رايتر ,,,

الأسعار مختلفه .... وعلى خبري بها يمكن تبدا من 800 ريال وتوصل لحوالي الـ 1200 ريال حسب سرعة نسخ السي دي والشركه المصنعه ,,,

الـ hp يمدحونه وعليه شعبيه كبيره لكن لو بغيت تاخذ بنفس المواصفات وبسعر أقل خذ السوني لإنها تستخدم نفس العدسه " عدسه من شركة سوني " لكن حسب راي الخبراء فالـ PLEX! Plextor هو أحسن سي دي رايتر على الأطلاق " وجهات نظر " ,,,

فيه شيء مهم لازم ماتنساه ولازم تحرص عليه ....... لابد أن يحتوي السي دي رايتر على خيار ( اختبار الدسك ثم النسخ ) حتى لا تخسر سيديهات عند عدم نجاح السيدي في النسخ على سرعة معينة ,,,

هذي معلومات عامه في حال كنت ناوي تاخذ سي دي رايتر ....... وإجابتي على تساؤلك أنا عارف اللي أنت تبيه وهو إنك تبي تاخذ الأغاني من المواقع وتنسخها على سي دي وتشغلها في السياره أو في جهاز الستيريو بتاعك ولا بد من هذا الجهاز " السي دي رايتر " إنه وببساطه هو اللي ينسخ المعلومات زي ماقلنا بالأول على السي دي ومافي أي شيء ثاني يغنيك عنه ...... يعني إذا تبي تنسخ أي شيء لابد من الرايتر ,,,

بعد ماتخذ الرايتر يصير كل شيء سهل مايبيلك إلا بعض البرامج الموجوده على النت ومن دون أي تكاليف إضافيه وقيمة السي دي الفاضي اللي تبي تسخ عليه أغانيك وفيه بعض برامج النسخ تجي مع الرايتر ومايبيلك تنزلها من النت وإن كان أفضل برامج النسخ هو برنامج النيرو " NERO " ,,,

وأي إستفسار ثاني حنا حاضرين ولا يردك إلا الكيبورد ياغالي ,,,

تحياتي لك ,,,