| للأسف ما شفت مقابلته لأني في الملعب ،،،
لكن إن كان الخبر صحيح فقولوله يجيب أجانب زي الناس ويجدد للاعبين يستاهل التجديد لهم ويخلي العناد من أول يحضر الجمهور وبيملأ الملعب ،،
لعب الهلال اليوم لا يوحي بأي بطولة مادامت الإدارة باقية على رأس العمل في نادي الهلال ! وأقصد بالإدارة من الأمير عبدالله وأسامة السليم والخميس واليوسف ،،،
إدارة تمشي على مبدأ العناد للأسف ومرات يتحول هالعناد إلى استهزاء بالجمهور الهلالي وكأنه لا يفهم والفهيم من ينتسب إليهم كمجموعة !!
نبي لنا رئيس يحب الهلال أكثر من جماهير الهلال ..
نبي لنا رئيس يدلّع جمهور الهلال بجلبه للاعبين عليهم القيمة بدلاً من صرف الملايين على أشياء تافهة وتجديد لأناس تافهين والتعاقد مع أجانب تافهين !!
لو الله ثم تمريرة سامي وخبرته وحنكته ودهائه للعلي ( واللي حط الكورة حطت واحد ما يفقه بالكورة ) كان ما أخذنا 3 نقاط ،،،
المباراة لو بغى يحطها بتورا بورا أبيه يرجع روح الهلال ويجلـّس لاعبين من العيب أن يرتدوا شعار الهلال ويجلسهم بالدكة لأنهم أهلاً لهذه الدكة ..!!
مع هذا الفريق وروحه المتأرجحة ومع سيسيه وتراوري لن نأخذ ميداليات البرونز فما بالكم بميداليات الذهب في أية بطولة مقبلة !!!
حقيقة كورة الهلال أصبحت مملة في عهدك يابو عبدالرحمن !!
كورة الهلال فيها من العك الكروي وقتل الهجمات والغباء الكروي في اللاعبين وضح في عهدك يابو عبدالرحمن !!
فريق لايوجد لديه خط احتياط ( كبّـه عنك ) ...
فريق يعتمد على لاعب خبير واحد ينتشله وينتشل جماهيرها معه ( شطـّب عليه ) ..
أرجع وأعيد وأكرر وشلون بنشوف الكورة من بعدك يا سامي وأنت المنقذ الوحيد للإدارة ومنقذ أرقاب اللاعبين من تطايرها !!..
| 