نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - علاقه عاديه جدا بيني وبين ولد خالتي ( موضوع للنقاش )

شوق الكويت · #1 09/07/2009, 11:59 PM

السلام عليكم ورحمة الله وبركاته

مع تغريد عصافير المجلس

اليوم موضوعي مايبيله تعديل وتصاميم هو موضوع نقاشي للجميع

بتكلم عن علاقه البنت بولد خالتها اللي مثل اخوها او الولد مع بنت عمته اللي مثل اخته يعني يكلمون بعض بحسن نيه ويحسبون بعض اخوان ....

وفي امهات وابهات يشجعون هالشي لان الحين هذا المفروض يصير مع التطور حلو البنت يكون جواالها كله مسجات من ولد خالتها ولا ولد عمتها ولا اي قريب ممكن داز عيدك مبارك ولا مبارك عليك الشهر ولا مبروك النجاح ... مسج عادي جدا بس ممكن يكون بداية لوسوسة الشيطان ....

البنت تروح للجامعه وتفتخر ان امس سهرانه مع ولد خالتها بالمسن ولا بالجوال بتكلمون عن مواضيع عاديه جدا

ولا الولد يدخل على ربعه ويقولهم انه يكلم وحده من العايله وهم يقولون ياحظك ابرك من المتخلفين اللي عندنا

ممكن الاغلبيه تكون نيته صافيه خاصه وان البنت من عرضه وممكن تحمل اسم عايلته او عايله امه .... بس الله ماحرم شي عبث..

الـــــــزبــــــــــــــده

وش رايكم بالعلاقه العائليه بين البنت والشاب سواء بعلم الاهل او بدون علمهم ؟؟؟؟

وهل توافق (للشاب) ان اختك تكلم ولد عمك او ولد خالتك .؟؟؟؟؟

شطحه

قريت لقاء صحفي مع ممثل الله يهديه ويصلحه يارب

يقوله الصحفي ليش تختارون شهر رمضان بالذات لعرض مسلسلاتكم

وهو جاوبه لان الناس صايمه وضايق خلقها

>>> فيس منصدم مالي خلق اطلعه

بالله في احد يضيق خلقه بشهر مثل رمضان

يكفي ذكر الله فيه اجور اضعاف مضاعفه...

اهل العقول براحه

بانتظار آرائكم

اختكم شوق الكويت