وانا رجال فيني طفل حن لصحبه أقرانه

بعد ماكان اكبر همه ألعاب جموح أطفال
لقى نفسه يعيل أمه وصار الأب لإخوانه

انا شبل الشهيد اللي قبل موته بساعة قال
انا رايح وراجع بأذن رب الكون سبحانه

راح وجا خبر موته على يد انذل الأنذال
عدو المسلمين اللي مغرر فيه شيطانه

سلبني والدي واغتال حلمي ودمر الآمال
وصار الكون ماله أي معنى بعد فقدانه

حرمني قدوتي درعي بوجه الهم والغربال
من للصقر بعد الله لو تنقص جنحانه ؟