نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - دعاية ( أترضاها لأختك؟ ) << لا يا شيخ أقنعتن :D

وجــدان · #4 09/06/2009, 06:46 AM

.,

سبحان الله يابعض الناس عنده طاقة يحارش من صباح رب العالمين طيب ورى ماصبرت لين الظهر --> ياعيني على الظرافه

مهوب عشان شيء بس خبرك الأجواء الباريسيه ( بالرياض ) تفتح النفس وترد الروح خصوصاً لاصحيت على صوت العصافير بتخف هالطاقه الحرشيه اللي عندك , وصح ان هالشيء ماله دخل بموضوعك بس حرشه

بعيد عنك ..

اهلين بالمشاغب وعليكم السلام والرحمه

لاجد وش ذنبهم هاللي مسوين الاعلان وشاحذين كل افكارهم ومواهبهم عشان العالم تستفيد
تجي انت تطيّح سوقهم بهالموضوع .. مالك داعي يعني ترضاها لأختك ؟

ترى اهم شيء النيّه والمقصد من الاعلان لاتروح تركز على هالجوانب ( تغطية الوجه - وفتح الدريشه )
أهم شيء الحكمه من هكذا اعلان وش هي ؟! ان هل ترضاها لأختك لو أحد يعاكسها .. طبعاً لأ

ولاتنسى ان فيه شباب كثير أقنعتهم هالمقوله .. مو ضروري تقنعك عشان يقتنع فيها غيرك

والاعلان اكيد فيه اخطاء مثله مثل اعلان شفته للترغيب بالصلاه ومع الاعلان دقي يامزيكا ..!
يعني التناقضات صح مفروض يُقلل منها اذا ماقدروا يحبكونها صح , بس ولو الفائده هي الأبرز بكذا اعلانات

إقتباس


	الإعلان حلو وشي جميل أننا نشوف مثل هالاعلانات التوعوية في قنواتنا الفاسدة

شفت ..! على الاقل هذي ايجابيه

.. قنوات هابطه بس اعلان توعوي ..

.,
وعلى طاري النصح .. انت تبيهم ينصحون بالأدله والأحاديث وهذا أحب الاساليب للي فيهم خير
بس اللي تدري ان ماراح ينفع معه الا التهديد كيف بتنصحه ؟!
تجيه يمين يروح شمال .. يابن الحلال المغازل حرام يقول البنت محل شبهه ..
طيب الله يقول والرسول يقول ماش مايقتنع لأن براسه حب ماطحن .. هذا ماينفع معه الا التهديد وانك اذا ماستحيت على وجهك محد مستحي منك ومن اهلك

..

اقوله وانا ادري ان هالكلام ضرره على اهل بيت المغازلجي أكبر من ضرره عليه هو ..
بس هو طريقه مثلها مثل باقي الطرق ( يمكن ) بعض الناس يهتدون منها وهذا المطلوب واذا اهتدى ماراح يشك بأحد ..

طبعاً فيه اشياء كثيره اوافقك فيها بس يمكن انا تطرقت للجانب ( الايجابي الضئيل ) من كل شيء سلبي ذكرته ..
المهم عوداً حميداً ودامك فاضي وهذا الواضح

من كلامك اطربنا كل يوم بموضوع
وترى هاللي قلته فوق رأي بس مهوب اعتراض على كلامك لاسمح الله

فـ خلني بحالي الله يخليك

..