نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ ـــرابطة عشاق البارسا لموسمـــ 09/2008 ][ || إنها ثلاثية للتاريخ ولو كان التاريخ يدون المتعة فقط في سجلاته سيبقى اسم البارسا وحيدا ||

PUYOL Carles · #14652 04/06/2009, 09:28 PM

إقتباس

الرسالة الأصلية كتبت بواسطة العاشق الكتالوني


	حيا الله الريس ،، والله يا حسين منطقك هذا هو السبب في تضييع برشلونة للبطولات ،، برشلونة فريق قوي يستمد قوته من جوا ولا يحتاج لصفقات ضخمة زي اللي قاعد يسويها بيريز ،، بس أحيانا يحتاج لاعبين ثلاثة ،، ثم يتهاون تشيكي في التعاقد معهم ، وتروح علينا بطولات بسبب إن ميسي أصيب ولا له بديل إن كررت إدارة برشلونة خطأ 2006 فهذا دليل إنهم يقودون برشلونة على المزاج ،، ومع ذلك لا زلت متفائل ، لكن لا تستبعدون يطلع بنا تشيكي من الميركاتو بهنريكي بس قفلة لبرجستاين جب ريبري ولا عاد أسبك أبد وعد

الله يحييك

طيب .. الحين الريال يحاول يرجع للواجهه .. حلو ؟
برشلونه ينهي الموسم بثلاثيه .. حلو ؟

الواجب .. اقوي هالفريق اللي عندي .. لو بس اسوي غربله خبله ..

الريال منتهي الموسم عنده من كلاسيكو الاياب .. والامور سالكه الى بيريز علشان يبدأ شغله للموسم القادم من وقت بدري ..

احنا تونا قبل اسبوع مخلصين البطولات رسميا .. ماتعتقد فيه فرق شاسع بين وضعية الفريقين .. في وقت بدأ المفاوضات .. والوقت الا تاخذه المفاوضات .. في الهدف من المفاوضات .. وحتى في العقليه المتبعه في المفاوضات ..

يعني الريال والميلان .. تتوقع حسمو الصفقه في يوم ؟ .. لو بعد محادثات طويله ؟

برضو شئ ثاني .. تذكر تصريح لابورتا .. ماراح نمس ريبيري اذا البايرن قالو لآ لخروجه .. هذي سياسه يتبعها النادي برضو .. خلاص قال لا .. نحفظ ماي وجهنا ونمشي .. وبكذا صارت الاداره من ارقى الادارات في السنوات الماضيه .. لأنها تحترم الانديه الثانيه ..

شئ طبيعي برشلونه يستمد قوته من جوا .. مو ضعف مادي .. ابدا .. ولكن عقليه وسياسه للنادي .. احنا نصرف فلوس كثيره على هالاكاديميات .. بعد مانصرف نروح نطنشهم مثلا ؟

كل شئ محسوب للمستقبل .. طريقة التعاقدات .. اعمار اللاعبين .. كلها محسوبه باللي نتوقعهم يتألقو في المستقبل من الكانتيرا .. لأن احنا نحسبها داخليا وخارجيا ..

وبعدين ماادري ليه تشيكي مومالي عينك بهالطريقه هذي .. تشيكي هو اللي حط اسس الاكاديميه الا عندنا في الارجنتين .. وهو اللي ماسك مشروع اكاديمية البرازيل المستقبليه ..

وبعدين تشيكي وبيب هم الا خططو لاولويات الموسم السابق الناجح .. وليه مايخططو لموسم ناجح ثاني .. وش ينقصهم ؟