هـارد لكم ,



العادة في مباريات الهلال الحاسمة اما ان احضرها في الملعب . أو أجلس اتابعها لحالي في البيت < مابي احد يعكر مزآجي


في هالمباراة كنت متردد احضر او ما احضر وفي النهاية أخترت عدم الحظور رغم ان ثلاثة من اخوياي حظروها
والسبب توقعي ان الهلآل بيخسر لان الفريق ماشي بجهود فرديه + أستاد الملك فهد مايدعو للتفأل ابد ابد


,



أول ما انتهت المباراة . قفلت جوآلي . وسكرت الاب .
وآخذت الـ Mp4 وخزنت اكثر من 70 اغنيه حزن* شاميات
وسيده على الكورنيش ثم الى الأنعزال و الوحده ثم الى هوايتي القديمة جداً تنفيس المرت بكل شراهه .
خمس ساعات تنفيس من القهر والغبنه والله ’


عاد تكتمل لاقالت نانسي انتا اييييييييييييييييييييييييييييييييه
ولا اذا قال عبدالحليم زي الهواء ياهلآلي زي الهواء
ولا اذ صدح صوت طلآل سلامة مجبور انا اعيش من بعد فرقاك < كاس اسيا


< وساويس قهر والله


ولحد يلومني .



لعب سامج . ولاعبين بارديين
+
من بداية الموسم وحنا نتنظر هالمباراة
+
الموسم هذا غبي بكل ماتحمله الكلمة من معنى




من زمـان مارتفع ضغطي كذا . وش ذا النهاية التعبانه
اعنبو حيكم والله لو انا لاعب واشوف ملامح عبدالرحمن بن مساعد في المنصه لـ احرث الملعب حرث .


,


أسـامة هوساوي & رآدوي هم اللي تقدر تنبئ بلعبهم قبل المباراة
وباقي اللعيبه كلن على موووده مره فوق وثلاث تحت .


تدرون ليه اسامه ورآدوي مستواهم ثابت ؟
لانهم يحسون بالجماهير والدليل شوفو يوم انتهت المباراة واتجه لاعبين من ام صلال
وقامو بحركات استفزازيه للجمهور من اللي فـزع وجاء يشتبك مع لعيبة ام صلال عشان الجمهور ؟ اسامه & رآدوي



,



الكويت الكويتي & الوحدة الامارتي & الأتحاد مرتين .إستاد الملك فهد وش تطلبنا تآلي زمانك


,


من بعد ابو يعقوب وسامي والتيماوي وابو ثنين فقدنا روح الهلال الحقيقيه .
فقدنا دموع الفرح اللي تنهمر من الاعبين من قلب . ودموع الحزن والحرقه إذا خسر الفريق .
روح الهلآل وحب الشعار وقبلها كلها توفيق الله . طوعت بطولة اسيا 6 مرات . وابطت سنين اسيا يوم فقدنا هالروح


للأسف أغلب لاعبين الهلال مدللين . ومتعالين على الفريق . وعلى ويش التعالي ؟


,


نهاية موسم نصفه الأول مع كوزمين في القمة .. ونصفه الآخر بعد ابعاده في القاع . والنهاية تعيسه
لكن عزائنا الوحيد في البطولة الاكبر / عبدالرحمن بن مساعد ,
ووالله انك ماتستاهل ذا المرطسه من الأتحاد السعودي & الاعبين يابو فيصل



,



اول خطوات التصحيح التعاقد الممتاز مع غيريتس ,
ونحتاج أيضاً لتسريح سيئول + ويلي < هالاعب فنان مع كوزمين فقط لانه لاعب تكتيك غيره مييييييييح
+ ظهير ايمن اسيوي + مهاجم هداااااف يجيب من اربع فرص ست اهداف
لان ياسر ماهو المهاجم اللي تعلق عليه آمالك


+ التجديد مع رآدوي ويكفيني منه لعبه بروح وقتاليه
+ فكونا من معسكرات المنتخب الطويله والبااااااااااايخه .
وبأذن الله بطولة أسيا بترجع لـ أحضان زعيمها ومروضها



قبل الخروج / جماهير الهلآل تحتفل بالبطولات سنوياً
وجمآهير الجار لاتحتفل وتنفس عن كبتها المزمن الا بخروج الزعيم من أحد بطولات الموسم .. الله من الفرق يناس