إقتباس الرسالة الأصلية كتبت بواسطة جرح يشكي السلام عليكم ورحمة الله وبركاته اسعد الله ايامك بكل خير اخوي خالد ما ادري كيف اشرح لك .. ودي اعلق بس عجزت .. اسلوبك مميز مميز مميز جداً .. سبحان من اعطاك هذا الاسلوب .. في البداية دخلت ع الموضوع وحصلته خواطر .. وطلعت .. بعدها جاتني توصيه اني اقراهـ .. يووووووووووووووووووووووووووووهـ كنا صغار .. ما نهتم في شي .. سوى العابنا .. تجي تنام لا هم ولا غم .. تنتظر ابوك يجي ويفتح عليك الباب ومعاهـ حلاو او العاب ذكرتني يا صاحبي شي مضى .. كنا ثلاثه في نفس العمر انا واخوي وولد عمي .. كنا 24 ساعه مع بعض .. مدرسه تحفيظ الشارع .. حتى في النوم .. كلن تخرج وفرقتنا الدنيا .. واحد في الخبر .. والثاني في استراليا .. وانا يا صاح في زحمة خريص وزيادة على هذا انك تكون اكبر اخوانك الموجودين في الرياض .. وتتحمل مسؤولية البيت وعليها ( هم ) مستقبلك .. ما تبي الا رضاء والديك عليك وانك ما تعتمد على احد في حياتك .. يا صاحبي شبنا وربي شبنا احيان ودك تصيح .. ودك تفضفض عن نفسك .. كتم الهم يذبح يذبح يذبح اول لحظة حسيت فيها اني كبرت كانت تخالطها دمعه .. كانت في اخر يوم لـ اخوي الكبير في الرياض .. الساعه 6 الصباح واحنا طالعين للمطار .. قال لي كلمة اهي اللي مشغلتني .. " ابوي وامي وسلوم " .. فرق بين حالتي وانا رايح للمطار وانا متفائل وبين حالتي وانا راجع من المطار للبيت احس ان جنحاني مكسرهـ ودنيتي سوداء . # سـ أحاول ان اخلد مراحلي الماضي والحاليه .. المرحلة المقبله لا تبشر بخير .

جرح يشكي...

شاكر ومقدر لك عزيزي تلك الكلمات الرائعه...

والشكر موصول لمن اوصاك بقراءة تلك السطور...

رد الله لك غاليك وجمعك به قريبا...

وجعلك مستقبلك ينبض بالخير والسعاده...