نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ فلورنتينو بيريز .. والثورة ][ .. نقاش .

أسيــ الزعيم ــر · #20 17/05/2009, 03:40 PM

السلام عليكم

كنك داري يا ابوحمد ان ودي اتكلم عن هالموضوع بس ودي القى موضوع اشارك بوه

كنت ناوي على موضوع سليم لكن لقيت موضوعك نقاشي جحدتنا سليم

أول شيء خلني اخربش زيك

مشجعين مدريد

شيء طبيعي اخبر مني بـ بيريز .. لكن انا هالرجال ما يعجبني لأنه دفيع لكن تنقصه على ما يقولون الادارة الرياضية !

في الوقت الحالي مدريد محتاج واحد زيه .. ذكي و يدفع .. يحافظ على اللي يحتاجهم و يشتري اللي يحتاج .. مو زي اللي قبله باع واحد من أهم لاعبيه عشان مُرتبه !

من خلال اللي قريته و لي يومين تقريباً دخلاتي بسيطة و الاخبار عندي قليلة .. لكن من خلال اللي اطلعت عليه مسبقاً أن قائمة بيريز هي [ فابري - كاكا - رونالدو - ابرا ] و فيه لاعب خامس ناسيه .. طبيعي جداً انه ما راح يجي من هذولي الا واحد و ان طالت و شمخت جاء اثنين منهم

ايه نعم الفريق محتاج لاعبين من هالنوعية .. لكن ما قريت أبداً ان فيه لاعب مدافع تم مفاوضته .. مع ان الفريق باع كانفارو .. و اللحين ما عنده الا راموس و بيبي .. لا و راموس يلعبونه ظهير يمين !

هالكلام كله ان صدقت الاخبار اللي قريتها .. و اللي واضح ان الفريق يبحث عن السوبر ستار بغض النظر عن مركزه .. كأن حركات بيريز الاستثمارية لم تنتهي .. يجب على بيريز انه يلبي احتياجات الفريق في كل المراكز .. و بالأخص الدفاع .. لأنه ممكن تمشي في الدوري الاسباني بدفاع اي كلام .. لكن مستحيل تمشي فيه بدوري الابطال

يعني زمن هيلغييرا و برافو و مدري من لازم ما يرجع

هذا أهم شيء أشوفه بالنسبة لبيريز اذا يبي يرجع ريال مدريد ينافس على جميع البطولات .. و طبيعي يدبر له فريق ثاني زي مانشستر يونايتد

ايه فيه نقطة بعد بتكلم عنها .. يقولون هونتيلار

ما يبيه مدريد .. قسم بالله اذا كان صدق انهم ما يفهمون

طبعاً اتكلم عن ادارة مدريد يا شباب

إقتباس


	حسب معلوماتي .. أو على الأقل ما أراه من ردود الكثير هنا .. أن بيريز سيقوم بحملة ستطال العديد والعديد من اللاعبين .. وفي العديد من المراكز .. وأن الحملة ستطال عدد من أعمدة الفريق في وقت سابق كـ جوتي وسلقادو .. كما أنها ستطال الكثير من اللاعبين الاساسيين في الفريق حاليا كـ غاغو وفاندرفارت وروبين وكانافارو اضافة الى بعض الاحتياطيين والمصابين كـ درينثي ومامادو والرود وصافيولا وهونتي ..

يا اخي هالكلام احسه مستحيل .. اوكيه روبين نقول انه اصابات و بيقلعونه .. الرود و كانافارو كبار .. درينثي و سافيولا فشلوا

لكن هونتيلار و مامادو .. أمر غير قابل للتصديق !

مستحيل جداً ان يغير جلدة الفريق بشكل كامل مع اول موسم .. مع انه ما يحتاج ذاك التغيير .. بس بعض التعديلات البسيطة !

و الأهم المدرب

احس اني تعبت فيه كلام ودي اعلق عليه من كلامك يا ابوحمد زي الاستثمارات و هالكلام .. لكن دعه في وقت لاحق

سلام و يعطيك العافية