إقتباس الرسالة الأصلية كتبت بواسطة FLORINTINO مرحبا من بعد المبارة وانا ابي اكتب رد عن الي صار في المبارة ولكن ما حصلت لي فرصة وهاهي قد اتت بقدميها لعن الله ابوها في البداية بغض النظر عن الي صار في مبارة البلوز والبرسا .. انا عندي وجهة نظر في موضوع الحكام خصوصاً الحكام الأوروبيين والي يُكلفون بمباريات كبيرة .. هل من المعقول ان يكون " مرتشي " ؟؟ يعني شي ما يدخل العقل ابد عشان مليون يورو ينهي مسيرته وتصير سمعته زباله وكله عشان يفوز الفريق الفلاني ويخسر الفريق العلاني بليز " قو اوت " من مخي أخطاء الحكام شي من كرة القدم وحلاوتها .. وزي ما يقول المثل " يوم لك و يوم عليك " يعني مرة تكون قرارت الحكم لـ مصلحتك ومرة تكون ضدك وتحس بالظلم والضيم والقهر .. ... نجي لـ القيم راح اتكلم عن الحالات التحكيميه الي مسويه هيصه هنا ونص الأعضاء مغيرين تواقيعهم وكلن يحط نفسه في دور المظلوم المسيكين .. من وجهة نظري كان فيه تكافؤ نسبي في الأخطاء على الفريقين .. سواء بلنتيات غير محتسبه او حتى طرد او حتى كرت اصفر .. لو بحسبها 180 دقيقة كـ مبارة مرتبطة مع بعضها الفريقين بيطلعوا حبايب لو بفصلها 90 دقيقة على مبارتين بلقى اخطاء كبيرة على الفريقين في مبارة الذهاب ونفس الحالة في الأياب .. كمان تكافؤ مبارة الذهاب بلنتيين واحد لـ طي طي والثاني على دروقبا .. وكمان فيه تغاضي عن انذارات وبالأخص بالاك .. الأياب سمعت شباب يقولون 5 بلنتيات لـ تشيلسي والله لو اننا نلعب كرة سله فيه واحد صحيح على بيكيه وفيه اثنين مشكوك فيه بقوة .. يعني الحالات ثلاث بس .. وبصراحة ذا القرارات اثرت على المتش مغير شك .. لكن ليه نشوف الي لنا وما نشوف الي علينا ؟ .. طرد ابيدال بلنتي على بالاك قرارات تحكيميه غبيه في كل القيم على الفريقين مو مثل الي قالوه الشباب ان الحكم مستقصد تشيلسي لو انه مستقصد تشيلسي ليه يطرد ابيدال ؟ ليه ما يحسب البلنتي على بالاك .. ليه وليه وليه .. بس هذا الي عندي طبعاً هي وجهة نظري الخاصة .. لـ انا اشجع البرسا ولا اشجع تشيلسي ! بس انا اقول الي اشوفه في وجهة نظري صح ولا انتظر يجيني واحد برشلوني يقولي صح عليك انت عقلاني يعني يرشيني خخخخخ لكن الحق ينقال لو على نفسي .. مشكور على الخبر .. ولو اني شطحت شطحه اليمة بس يوم تقرا اسم السير تحوم تسبدك فلذلك ما ابي اعلق على تصريحه الي مثل وجهه

انت بطـٌل

وتشكرات افنديات على هالشطحه بس كلامك منطقي وعين العقل والصواب <
وإن شاء الله التحكيم في النهائي يكون افضل من ماكان

وإن شاء الله المان لهم كلمتهم بروما