مشاهدة مشاركة بصفحة مستقلة
  #7  
قديم 23/02/2004, 09:11 PM
MIIM MIIM غير متواجد حالياً
موقوف
تاريخ التسجيل: 08/02/2004
مشاركات: 71
لايهمونك بس .. انا واثق فيك ان شاء الله .. شوفي يااسيره ..

انا ابيلي وحده طولها مايتعدى 160 سم .. لاني لايحه .. وبالعاده الطوال يقدرون القصار ..
وابيها فيها ملح يزقح يعني فايض وماتهمني الاخلاق المهم زينه وان حصل اخلاق فزين على زين .. وابيها عندها ذوق في الملابس يعني مابيها راعية دنفسه وتأليف الوان وشغل لحوج .. وابيها تكون ذوق وذربه .. يعني ماتمش اللي انتي خابره في طرف كمها .. وييييين صلب << وش رايك فيني .. ذرب .. وابي شعرها مايكون طويل كنه ذنب حصان ولا قصيركنه قصة بزر يعني وسط .. وابيها بعد اذا اشرت انا والا فتحت خشتي ابحتسي تطامر كنها مقروصه والا صافق جنبها باب وهي لاهيه << قد صارت له .. وبعد ابيها تكون موظفه وعمرها تحت العشرين << حليها عاد .. وش سنعتس اجل .. وبعد ابيها والا اقولك .. كافي هالحين اذا لقيتي هالمواصفات مالك الا من يدعوتس للعرس اللي بيكون في بيتنا ..

يالله عجلي طامري ودوريلي سعيدة الحظ .. على فكره تراني ما ادخن والله على ما اقول شهيد وعمري في العقد الثاني .. يعني في العشرين واذا لقيتيلي عروس علمتك عمري بالضبط .. وش بعد وش بعد ؟ اخلاقي ؟! الحمدالله مهيب سياحيه ولا درجه اولى .. يعني تقدرين تقولين افق .. ووش بعد وش بعد .. ايه .. شكلي الخارجي مكس بين ليوناردوا دي كابريو وريكي مارتن وماخذ عيون تاركان وخدود براد بيت وخشم شعبان عبدالرحيم ... لا الحق الحق اني مزيون .. انتي بس حصلي بنت الحلال حسب المواصفات والباقي ماحناب مختلفين عليه << واثق ..
اضافة رد مع اقتباس