نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ ليغا 34 ][ برشلونة يدك مدريد بالستة .. اشبيلية للثالث .. فالنسيا ينهار .. الاتلتيك يضغط ][

[ رحــال ] · #11 03/05/2009, 04:42 PM

أحرقتــــــــــونـــــــا
" ترى خط هالكلمة 6 خخخخخ

"

اللي صار البارحة صحوة من حلم ..
كنا في حلم و مفتخرين بفريقنا ، سواء بهالموسم ولا اللي قبله .. كنا منخدعين بجاجو و راموس
و خواندي نفسه .. كلام كثيير براسي .. عن خواندي و عن الكلاسيكو و عن لاعبيننا و عن
مستقبلنا ..

الفريق هذا قلناها اكثر من مرة لا يستطيع مقارعة كبار أوروبا ..
هذي الحقيقة و هذا الواقع المُر اللي توّنا نعرفه ، هالموسم و نصحى من الحلم اللي كنا فيه

لا احد يستشهد لي بالموسم اللي فات ولا اللي قبله ..
الموسم اللي فات برشلونة ضعيف ضعيف .. ريكارد أنتهى و أنهى معه البرشا لكنه رجع هالموسم
و الموسم اللي قبله .. يكفي اننا نشوف في دكة الإحتياط كابيللو

خواندي أوكيه ممتاز .. لكن وش الفايدة انه يسقط في أختباراته و ينجح في الكويزات
" الليفر - البرسا "
و بـإذلال
لكن الروح اللي مااااااتتت امس ما عاد تنفع كل مرة و قلتها بعد مباراة إشبيلية
الروح هذي تجي في النكسات الأولى .. لكن نكسة ورى نكسة والله ما تنفع و قدام برشلونة !؟
شفنا تشلسي و هو تشلسي اللي متكامل في خطوطه و بمدرب داهية .. قفّل مثلنا بالذهاب
لكن الرغبة بالتسجيل أمام الغريم لعبت دورها و للأسف انقلب الحال ضدنا

يبيلنا 5 سنوات عشان يرجع الريال

الريال يبيله سنين عشان يصير مثل " مانشستر - برشلونة - و بدرجة أقل الإنتر "
الإنتر نادي متكامل في خطوطه و عنده مدرب عليه القيمة و رئيس يدفع بدون ما يشوف السعر
لكن التوفيق ناقصه !
الريال مثل ما قال عبدالإله مثل الأندية العربية .. بدون خطة مستقبلية ..
مانشستر و برشلونة فريقين متكاملين في خطوطهم .. و أقوى أندية العالم
السبب يعود لأشياء تتلخص في نقاط هي :
( الإستقرار الفني - الإستقرار الإداري - الإهتمام بشباب النادي - العمل بدون مُجاملة لتاريخ لاعب - و تطبيق قاعدة البقاء للأفضل )

فلو وضعنا خطة مستقبلية للريال .. بنشوف أن الفريق دمار من جد و يحتاج لتجديد !

( دوديك - سلجادو - توريس - كانا - هاينزه - محمد - شنايدر - فارت - جارسيا - درينثي
فوبير - راؤول - سافيولا - الرود )
هالاسماء بينهم اللي عمره كبير و اللي مستواه خرب ..
عشان نضمن فريق ينافس على العاشرة .. حنا بحاجة لفريق متكامل و بس .. ما همني السوبر ستار
شفنا كيف كان معنا نجوم العالم و ننّرك - و مباراتنا مع سرقسطة في الكاس خير مثال -
نبي فريق كامل .. بس ماهو باللي على بال حبيبنا بيريز ..
نبي اسماء من اختيار المدرب و بس .. لإن المدرب أدرى باللاعبين و موب كل لاعب بيفهم للثاني
و طريقة لعب كل لاعب تختلف عن الثاني .. ما نبي اسماء قوية بـ " البلايستيشن " على قولة وليد
نبي فريق كامل أساسي في موسم .. و بعدها نأمّن الإحتياطي .. و نهتم بالكانيرا بدري ..
لإنهم هم اللي بيشيلون الكابتنية بعد راؤول

و كاسياس

..
و فيه نقطة ذكروها حكيموف و عبدالإله .. اللي هي ثأر مدريد في الكلاسيكو .. و هالشي ماهو
صاير إلا بمثل ما قالوا بالإهتمام بالكانيرا .. و حب الريال بيجي لكل لاعب يلعب به

و لنا في فيجو و بيكام و زيزو عِبرة ..

" شنايدر - جاجو "

نصبّر على شنايدر زيادة .. شوفوا هنري الموسم اللي فات و الحين ! يا هو بهذلنا بعد !
و جاجو ما ننسى جهوده الموسم ذا و اللي قبله .. و يا ما مدحناه بعد غلطة كم مباراة نبخس حقه !
عادي كل لاعب يطيح مستواه ! و لا ننسى انه الموسم ذا كان هو اللي شايلنا في فترة من الفترات ..
جاجو عشان يطلع قدام الأندية الكبيرة لازم يكون وراه مدرب ثابت يوجهه ، مثله مثل هيجوين
لإن عمرهم الصغير ما يساعدهم على أنهم كل موسم يكونون مع مدرب جديد .. و حتى اللعيبة الكبار يتأثرون

معليش راؤول

صح اننا كلنا نحبك و نعشقك و ياما فرّحتنا و الثلاثمية هدف تحكي ..
لكنك إنتهيت مثلك مثل غيرك .. مافيه لاعب بيدوم على عزه و عطاه .. ممكن يفيدنا في الموسم القادم بشكل كبير
خصوصًا بخبرته و طبعًا هالشي ما يصير بإنه يكون اساسي دايم .. نستخدمه في المباريات اللي تنفع له
الكلاسيكو ، عندما يستأزم الوضع " حلوة الكلمة

" و نقول نهائي التشامبيون عشان تشيل الكاس

اكثر ما يؤلمني هو أن كاسياس الوحيد الذي يستحق إرتداء شعار الريال

هل تبلّدت أحاسيسك مثلما تبلّدت أحاسيسنا بعد هذه الصفعة ..

9 - 31
ماضينا يحكي عننا ،، و حاضركم بـ يحكي عنكم

.
.

" عبدالعزيز - أنس - مبارك - حسين - بندر - مشعل "
مبرووووووك و تستاهلون الفوز على هالدريم تيم