إقتباس الرسالة الأصلية كتبت بواسطة الزعيم الأفروأسيوي لسلام عليكم ورحمة الله وبركاتة مسائكم زعامه بدون مقدمات هزيمة الهلال طبيعيه ودوام الحال من المحال اكيد كلنا نريد الزعيم دائم هو المتواجد بالمنصات وهو الفريق المتربع على عرش الكره الاسيويه وليس السعودية فقط لاكن هذي حالة كرة القدم فوز وخساره وخسارتنا بالامس اعتقد طبيعيه جدااااااا والشباب يستحق الفوز بكل جداره لاكن نحن كجماهير اقمنا الدنيا عن الخساره والكل زعلان ومعصب حتى رئيسنا الاسطوره عبدالرحمن بن مساعد وش رايكم لو كان فريقنا الحالي هو فريق النصر ومن اكثر من عشر سنين ماخذ ولا بطوله للدوري وش موقفكم!!!!!! اعتقد 80% من الجماهير جلطه دماغيه والباقي ضغط وسكر لاكن فريقنا الحمدلله كل سنه على الاقل بطوله ومستوى مشرف للكره السعوديه والاسيويه ايضاء والهزيمه وارده في كرة القدم واتمنا الكل يتقبلها بصدر رحب ومن اليوم ننسى اللي راح ونفكر بالقادم (تنبية) كرة القدم لاتخضع لمقاييس ويمكن نتأهل عن طريق الشباب الاحد القادم صحيح صعبه الثلاثه على الشباب في ضل مستواه المتطور الحالي لاكن كل شي جائز وبالتوفيق للزعيم ........................ النقطه الاخرى ياسر القحطاني والكروت الحمراء اول شي لا ابرر لياسر هذه الكروت بالعكس كل عاشق للزعيم يرفضها على ياسر لاكن لو كنت في محل ياسر يازعيم المباراة الاولى ضد الاتحاد واكثر من 15 الف متفرج تهتف ضدك بكلمات خادشه للحياء ولمجتمعنا كشعب مسلم المباراة الثانية ضد النصر ونفس السيناريو تجد هذه الهتافات واتحدى اي شخص منكم يتحملها الاإنسان يستطيع تحمل اي شي الى ان يتكلم في عرضه وهذا ماحدث مع الاسف المباراة الثالثه يسافر ياسر خارج الوطن وبالتحديد للامارات ويتفاجاء بنفس الهتافات لاكن من شعب مختلف ومن دوله غير دولته بالله وش موقفكم لو يحصل ذالك لشخص منكم اترك التعليق لكم والله يلوم اللي يلومك ياكاسر اما الكرت اللذي حصل عليه ياسر بالامس فهو مستحق على ياسر لاكن يازعماء ياسر علية ضغوط وخطة الفريق لاتخدم ياسر وهو بالمقدمه لوحده اتمنا من الاداره اراحة ياسر وعدم الضغط عليه يكفيه ماجاه هذي وجهة نظري ........................ النقطه الاخرى محمد نامي لاعب عنده لياقه ومجتهد ومميز لاكن ماهو عيب نامي؟ هي البروده الغير مبرره يعني بارد بشكل غريب لما يستلم الكوره يجيب الضغط وهو سبب كثير من الاهداف في مرمى الهلال واخرها الهدف الثالث امس لو ترك البروده هذي وتعامل مع الكوره بحماس وبسرعه وتركيز ايضاء اكيد راح يكون ظهير الكل يتمناه لاكن في هذا الحال يانامي دكت الاحتياط كثيره عليك فهد المفرج وما ادراك مافهد المفرج اتحدى واحد لما تكون هجمه مرتده على فريقنا مايحط يده على قلبه لما يقابل المفرج ليه اكيد لاانه لاعب حرام يلعب في الهلال جاملنا فهد بما فيه الكفايه وحتى الأن مستمرين على المجامله فهد لاعب خلوق متحمس مخلص لشعار الزعيم لاكن بدون مهاره ولا مواصفات مدافع اقولها وبكل صراحه جميع مواصفاتك يامفرج موجوده في كل مشجع هلالي الكل شاهد كيف تخليصات المفرج بالامس وخاصه الهدف الثاني لكماتشو بالله عليكم هذي تخليصت مدافع ليش مايخلصا بدون مايجدع كل جسمه على الارض وهذي الحركه حصريه على المفرج اتحدى واحد يطبقها بالمختصر المفيد اتمنا من الاداره تشوف حل مع المفرج الجماهير لها طاقه معينه من الصبر على هذا اللاعب!!!!! ......................... النقطة الاخيره من وجهة نظري اقرب الراحلين عن الفريق اللاعب سول اعتقد امره محسوم وراح يغادر اكون معكم صريح هذا اللاعب لم يخدم الفريق الى بنسبة 20% فقط وهو لاعب غير مفيد نهائيا اللاعب ويلي اعتقد واتمنا بيع او اعاره هذا اللاعب لاعب مجتهد عنده مهارات لاكن لايفيد الهلال لاعب لايقبل اي إلتحام معه كثير السقوط على الارض بصراحه اتمنا عدم بقائه بالزعيم وهناك الافضل اتمنا بقاء رادوي والتايب وجلب نيفيز ولا عب اسيوي بمواصفات اسماعيل مطر او سورين لاعب المنتخب القطري .................................. وبالنهاية اتمنا التوفيق للزعيم في مرحلته الاسويه القادمه يوم الاربعاء القادم وايضاء تحقيق الفوز على الشباب والتأهل للنهائي أذكركم كل شي وارد في كرة القدم وليس مستحيل يمكن طولت عليكم ارجو المعذره وكل عام وانتم زعماء

رحم الله ايام الامير عبدالله بن سعد رحمه الله كم من النكبات تتعرض للفريق ويقف الفريق كالجبل الشامخ عبدالله بن سعد الذي في عهده

لم نفقد لاعبا بل كنا نفقد فريق كامل ومع ذلك لم يثأثر الفريق وهالحين من شان هتافات تبررون لبعضهم وصاحب السمو الملكي الامير : عبدالرحمن بن مساعد

لم يقصر اعطى بلا حدود ولكن

مصيبتنا في اللاعبين وخصوصا الذين جاءو بحثا عن المال والوجاهة لا عن خدمة الهلال

الذي اعطاهم ولم يعطوه جزء من الالف مما اخذوا.