اخوي محتاجلك ..
ردك بصراحة غريب وكأنك تطالب بأن اكتب مايوافق هواك او لا اكتب طالما انا مسئول بالشبكة !!
وشكلك ناسي ان المشاركة بالمنتديات مفتوحة للجميع والانتقاد موجه من الجميع للجميع .. سواء من عضو او مشرف او عضو مجلس ادارة او حتى كاتب رياضي .
ومافي داعي تشكك باخلاقي اوبعقليتي لأن لو فيها شبهه ماكان كلفت بالاشراف من اكثر من سنتين او بعضوية مجلس الادارة مدري من متى هذا وانت توك مسجل جديد بالشبكة مالك الا ثلاث شهور ونيف يعني من متى المعرفة

انا ابي افهم بس قولي ياعساها بالهدم طول ماهي تبي تهدم الهلال وش فيه ؟؟
اعتقد انه كلام عادي يصدر من اي هلالي لأي صحيفة تحاول اثارة الفتن بين النادي والجمهور وبين الجمهور والجمهور .. واعتقد مابعد اثارة فتنة المصيبيح فتنة ولا اتوقع ان هناك اختلاف على من اثارها .
اما قولي وياعسا كل من يتعصب لها بالهدم فهي دعوة موجهه مني للتعصب وللمتعصبين .. ولنبذ التعصب للجرايد لأنه مضر بالصحة والمعارف

وش بقى ؟؟ زبالة ومقدسة وحقيرة ؟؟
طيب رأيي واشوف ان الجزيرة بعد الغدا تصير زبالة ( تراني مشترك فيها علشان الجوال الهدية وعلشان اوفر قيمة السفرة ) يعني غصب عني وعنك تصير زبالة .. ومقدسة وهي فعلاً مقدسة من بعض الاخوان للأسف زي تقديس البعض للمصيبيح .. وحقيرة واحقر من الحقيرة طول ماهي تبي تهدم الهلال وتبث الاشاعات وتغالط الحقائق

تكفى علمني وش مزعلك علشان اكون اكثر انتباه بالمرات الجاية
وش فيك علمني .. تكفى علمني

على فكرة .. تراني سويت بحث بمشاركاتك حتى اقولك جزاك الله خير على هالنصح والارشاد والاهتمام بحضرة جنابي وبالموقع ككل ولقيت انقلاب بالأراء ومطالبة بالحرية اللي تبي تمنعني منها او تمنعها عني اختر اللي تبي .. ولقيت العجب العجاب منها هالمشاركة :

إقتباس إقتباس من مشاركة محتاجلك انا معك اخوي في الكلام اللي قلتة,, وياليت الرئيس الخلوق يترك الرئاسة للرئيس الذهبي,, وبصراحة المنتدى غير حيادي ابدا,, وياخذ مبدا ان لم تكن معي فانت ضدي,, المنتدى ترك الحيادية بعد ما اصبح غالرئيس يشرف علية ولم يصبح هناك حرية للراي ,, انا شخصيا حذف لي موضوعين ولا ادري ماالاسباب !!!! وجة انتقادات الى الادارة وانتقادات واللة انة برئية وخالية من الالفاظ البذيئة. لكن غيرنا مثل الطريقي يستعمل الفاظ بذيئة كتلك التي على الكاتب الكبير صالح السليمان والفاضة مسموحها!!! اتمنى تعديل وضع المنتدى وابعاد الادارة من الاشراف علية ويرجع كماكان وبصراحة موقع الهلال افضل من موقع الزعيم حاليا. لان الحيادية موجودة.

وبما ان الشيء بالشيء يذكر .. سويت بحث بمنتدى المواضيع المحذوفة ولقيتك كذاب مالك ولا موضوع انتقادي محذوف .. ومالقيت الا هالموضوع الوحيد المحذوف وكان بتاريخ 24/12/2003 :

إقتباس إقتباس من مشاركة محتاجلك بسم الله الرحمن الرحيم السلام عليكم ورحمة الله وبركاته : تــــــــــرقبوا وخلال اليومين القادمة وفي أحد الصحف المحلية الكبرى التاريخ السئ والاسرار الخاصة بلاعب كرة اليد السابة في النادي الاهلي .. والاداري السابق لكرة اليد الهلالية .... صالح الطريقي ... ذلك لتوضيح الحقائق ووضع النقط على الحروووف ولكم جزيل الشكر

خلال اليومين القادمة
اشوف مر من تاريخ موضوعك ثلاثة اشهر الا نيف وماشفنا شي
لايكون قصدك الصحف المحلية بجزر المالديف المجاورة لخيار هونولولو


تحياتي لك