الموضوع: من شاف مصيبة غيره هانت عليه مصيبته ..
مشاهدة مشاركة بصفحة مستقلة
  #1  
قديم 15/04/2009, 07:22 PM
الصورة الرمزية الخاصة بـ شوق الكويت
شوق الكويت شوق الكويت غير متواجد حالياً
زعيــم مميــز
تاريخ التسجيل: 04/07/2008
المكان: KUWAIT
مشاركات: 5,948
Unhappy من شاف مصيبة غيره هانت عليه مصيبته ..
صبـــــــــــــــاح الـخــــــــــــــــــــــــيـر / مســــــــــــــــــاء الــــخـــــــير

اشلونكم شخباركم؟؟


اشتقت للمجلس والله من زمااان ماكتبت فيه


قبل امس وانا رايحه الجامعه انصدمت ان الدكتور مسقطني بالماده ومتهمني بالغش بالامتحان والاداره فصلتني 3 ايام بسبب الغش اللي طبعا بكيفه


وقعدت افهمهم اني مظلومه واهو يطلع كلام من عنده بس طبعا ماراح يصدقون طالبه ويكذبون دكتور


واترجاه لاني لو عدت الماده بتأخر بالتخرج وراح ادفع دبل للجامعه عن سعر الماده يعني المصيبه مصيبتين


المهم انه صرخ علي وقالي لا انتي غشاشه وتستاهلين اللي يصير لج سكت وقعدت ابكي طووول المحاضره وهو مو معطيني وجه ورفيجتي اللي يمي مسكييينه تهديني وتقولي ميخالف صبري وان شاءلله مايسقطج ولا يفصلج وانا ابكي من كل قلبي


المهم وطلعت رحت البيت وثاني يوم رجعت علشان اعرف مصيري بالماده وانا بقمة الكآبه وضيقة الخلق لان مصيري ومستقبلي تحطموا ودخلت القاعه ومالقيت رفيجتي اللي كانت يمي ؟؟؟؟؟؟؟


قعدت اسأل البنات عنها من شافها من شافها لان اول مره تتأخر دايما تكون اول الحاضرات ؟؟؟؟؟

ولا تجي وحده تقولي ان امها توفت اليوم الصبح


يااااربي مدري شنو كان شعوري بوقتها لانها بنت بقمة الادب والاحترام والاخلاق والاخلاص


حسيت ان مصيبتي هانت علي فجأه وحطيت نفسي بمكانها الله لايقوله يارب وقلت عساني اسقط بكل موادي ولا انحط بموقفها وافقد اغلى من سكن قلبي


قلت زين مشكلتي دنيويه ولا فقدت احد من اهلي ولا احبابي

حبيت اقولكم شي دايم الانسان اذا خسر شي مهما كان كبير يشوف مصايب غيره ويقول الحمدلله والف الحمدلله لان الله ماياخذ من انسان شي الا بمصلحته وعسى ان تكرهوا شيئا وهو خيرا لكم

ومن شاف مصيبة غيره هانت عليه مصيبته والله




اختكم شوق الكويت
اضافة رد مع اقتباس