..
وعليكم السلام ورحمة الله وبركاته
هلآ ومرحبا مهند 
الله يجزاكم خير على ماتقومون به من جهد  ..
..
جاء الموضوع بوقته 
أنتظركم تنزلون أي حلقة عشان أقترح عليكم برنامج :$
في برنامج دائماً يفوتني أو أنسااه أحيناً
أو يكون اللي يسوق ماهي بأنا  ~> يسوق كلمة سمعت اخواني يقولنها للي معه الريموت , صار الريموت دركسون 
المهم  ..
البرنامج يأتي على قناة إقرأ اسمه " ضع بصمتك " يقدمه د. محمد العريفي ومجموعة من الشباب
يأتي يوم الجمعة الساعة 11 ليلاً ~> 11 أو 10ونص ماني متأكدة  ..
لكنه ينتهي 12
~> وترا ما أدري إذا أقدر أحصل عليه من مواقع ثانية
لكن مايخالف إذا تقدرون فـ زيادة الخير خيرين  ..
..
إذا جاء في بالي برامج ثانية برجع أكتبها
حتى لو ماسجلتوها أهم شي نذكركم فيها لجل تشوفونه
..
لحظة 
جاء في بالي برنامج حلو وبعد دائما يفوتن 
بعض الحلقات روعه
اللي هو برنامج الشاهد على قناة دليل
خاصة الفقرة الأخيرة من البرنامج " قصة الشاهد " رائعة
..
وكمان تذكرت برنامج
ماادري وش اسمه بس أمس البنات يمدحونه
يجي على قناة الوطن للشيخ نبيل أو محمد العوضي 
في لقاءات رائعة ..
~> عاد هالبرنامج مانب متأكدة منه ماعمري شفته القناة غير متاحة ببيتنا
..
ماودي أكثّر طلبات أخاف اللي يعجبن مايعجب غيري
~> ماقلت عن كل البرامج اللي أحب في برنامج يعجبني بس للاطفال ع الجزيرة للأطفال اسمه ألو مرحبا 
هلى طاري الجزيرة كان في برنامج وثائقي يجي على الجزيرة الوثائقية اسمه " حول العالم مع ستيفن بيرون "
لكن هالحين انقطع مايجي !
شيّ شيّ هالبرنامج ~> البرنامج ولا ستيفن ؟ استغفر الله
..
خلصت هذرة
..
الله يعطيكم العافية
واللي يجي منكم فيه الخير والبركة إن شاء الله ,,
فمان الله
اخر تعديل كان بواسطة » مَاهِينُورْ في يوم » 10/04/2009 عند الساعة » 10:08 AM
السبب: أخطاء إملائية مانتبهت لها :$ ...
| 