اقول يا شيخ طر بس !
""طبعا لمصدر الخبر مو ناقله ، عضونا المحترم "
لا أنكر وجود قسم مكافحة الجرائم الألكترونية منذ عام 2000م ولكنه وجد بأمكانيات محدودة حتى الآن و بعناصر تفتقر للخبرة التامة " بمعنى ليسوا حرفيين بعالم النت كحال شبابنا " لكنه وجد لهدف محدد تعقب الأرهابين فقط ..
لا وبعد يفزع لهم بعض المتعاونين من برا البلد ،،، وكأن من ضمن من قبضوا عليهم حسب ماقرأت بالنت " ومصادر النت والله لك عليها " اعضاء الساحة ..
فقط اكتب بالقوقل القبض على اخو من طاع الله ،، وعاد شف " وشغل مخك شوي ..تصدق الخبر او لا ؟ "
بس هذولاء وضعهم مختلف يعني أمن بلد فــــ تهم القضية مناصب عليا ..
لكن اعراض الناس ما عوقب إلا برجس الباندا ، ومتحرشي بنات النهضة بس ،، باقي بنات الناس راحت اعراضهم ، واغتصبوا اطفال و لا احد تحرك عادي " نورمل عربي "

لكن كل هاللي قرأت و أنظمة ولا واحد منهم صادق ولا احد فاضي يطبقه ،، من عقلك انت أمريكا بكبرهـا ما طبقت هالنظام حنا نطبقه !
لا وتبي جنودنا اللي قلة منهم يعرفون الحاسب يجلس على النت و يتابع تطبيق النظام ... يا شيخ اصقعني بقدر ان مسكوا احد
طبعا استثني الأرهاب و تخريب الأمن هذولاء وراهم نايف و استقرار البلد والله لو يجيب جنود من المريخ بيجيبهم ،، وهذا شيء يشكر عليه ، فديت قلبه ابو محمد

اما باقي القرارات يالله خل يطبقونه في واحد في منتدى ما خاص بالأسهم سحب الناس بحجة انه مساعد بن مشهور بن سعود "" يا اخي تحس هالأسم مركب بس ماشاء الله من كثر عيال الملك سعود صدقوه الناس ""
و سحب من الأعضاء البنات بس نص مليون ريال بحجة يدخلون معه بشركة مساهمة الكترونية "" كيف تجي ما ادري ""
بس والله انه سافر و هيص بسوريا بفلوسهن وفاتح مدونة يقاهرهن بها بفلوس العضوة فلانة سويت كذا و بفلوس فلانة فعلت كذا
الأخوات كل وحدة محولة له على البنك مساهمتها !!
وين راح قانونهم ما يمسكه !
يا اخي كود بنات الزعيم يحولون لنا مساهمة اللي ما اعرس يزوجونه واللي معرس ومبتلش بالمصرف يساعدونه ، ولهن مساهمة جارية ندعي لهن بكل صلاة و بالخفاء بلا تشهير ..

بعدين يا اخي هاذي المنتديات الزوجية اللي تشرح بالصور سوى مع زوجتك واسعد زوجتك كلها سعودية ،، وبعد مخلة بالآداب العامة .. وإلا هاذي ثقافة واحنا متخلفين !

يا شيخ لو صار هالقانون صدق و طبقوهـ نص مستخدمي النت بالعالم اجمع بالسجون >>> يالله يارب وقتها نحل سالفة الأزمة الأقتصادية و مصائب قوم عند قوم فوائد ...