هلا ابو هيا ,,,

اجتماع مُصغر ومُكبّر وفي الاخير تراهم يمهدون لإبعاد المصيبيح لكن ( بذرابة شوي ) !!! يا بو هيا هذولا يخاطبون من ؟؟؟ لا يكون في بالهم ان جمهور الهلال ينضحك علية وينلعب به !!! ان كان هذا ظنهم في جمهور الهلال ما اقول إلا ( إخسي يا لحاهم ) بعيد (ن ) عن شواربهم !!!

إقتباس سبحان الله .. الهذه الدرجة ثقتهم بان هناك جماهير ( مغفلة ) ستصدق اكاذيبهم التي تتناقض حتى مع العقل !!!

جمهور الهلال مافية مغفل وإلا كان راح وشجع نادي المغفلين اللي تشوف لهم بعض المشاركات في الفترة الاخيرة واللي ما زالو يعتقدون بالجزيرة تراهم ( ناس مقنعين ) وخبرك عارف انت من اهل الرياض وتعرف مخارجها ومداخلها جمهور الهلال حتى من كان له رأي اخر ( اقتنع ) ان وراء الاكمة ما وراءها وتأكد ان المسألة استقصاد وما يساورة شك ان اسلوب الجزيرة ابعد ما يكون لمصلحة الهلال ولو بغيتت تتأكد راجع مشاركات ( الهلاليين ) اللي كانو يشوفون الصورة بشكل غير صحيح وراح تتأكد ان هناك تغيير جذري في اراءهم !!

إقتباس حتى من يؤيد فهد المصيبيح ويتفق عليه فرح بالامس بخبر رحيله .. سبب الفرح هو انه مادام المصيبيح محل اخذ ورد .. وهو من قرر الاستقالة برغبته دون ضغوط عليه فمع السلامة .. ولكن اعضاء الشرف زادوا ( الحمى مليلة ) بالابقاء على اد ديموس .. ورفض استقالة المصيبيح !!

والله يابو هيا انا اشوف ان هذا هو الوقت المناسب , فالجمهور الهلالي عرف من هو اللي يلعب به وعرف من هو اللي يجتهد له , ودور المصيبيح الحالي (( محدود جدا )) فلية ما تقبل استقالة الرجل !!؟؟

إقتباس كتبت بالامس مقال ( لماذا رفضت استقالة المصيبيح ؟!) وكنت الوم اعضاء الشرف على رفض الاستقالة لانني ابحث عن استقرار الهلال .. ان (افترضنا) بالفعل ان فهد هو سبب عدم الاستقرار .. ومع هذا جاءت الردود ( اني مطبل واني ادافع واني واني واني .... ) !!

يقول الاستاذ كليب وائل خلو عنكم ( الشخصنة ) , عموما صفة مطبل هلالي افضل وبكثير من صفة مطبل ورقي

إقتباس 3 من لاعبي درجة الشباب ( الجري - الغامدي - الصويلح ) يعانون مشاكل مادية .. نتمنى ان نسمع اخبار في الايام القادمة عن حلول لهذة المشاكل ..

إلا من المشرف على فئة الشباب ؟؟ لا يكون المصيبيح سلبهم حقوقهم وقدم استقالته ( للتموية )

اقول الله يقوي ابو عبدالرحمن يحل الاشكال ويهيء الشباب للمشاركة حتى لو اخذ التقدير غيرة اهم شيء شبابنا تُحل مشاكلهم

تحياتي لك ,,,