السلام عليكم ورحمة الله وبركاته

اسمحو لي ابنبرش معكم بالنقاشات



انا ضد حضوره
من وجهة نظري الشخصية وكمتابع من فترة طويلة للكورة
مورينهو ما اقتنعت فيه من ايام بورتو , دوري الابطال جابه ما احد يقول شي بس دوري الابطال ذاك الموسم سيء جدا ( ديبورتيفو وموناكو وبورتو بدور الاربعه ! )
ومع تشيلسي لو اي مدرب يقدر يفوز :
مانشستر كان في مرحلة بناء , رونالدو وروني كانو براعم والفريق يمر بمرحلة انتقاليه
ارسنال تحول من نادي قوي الى نادي يعتمد على الصغار وابتعد عن اجواء البطولات
ليفربول كان مركز على دوري الابطال
والبلوز عبارة عن بنك متحرك يجيب اي لاعب وصارالفريق مليان نجوم

مورينهو عنده سلاح يستخدمه بشكل ممتاز وهو الحرب النفسية وهذي اهم ميزة فيه
بس كتكتيك ما اشوف فيه شي مميز , البلوز العام الماضي بدون مدرب وصلو لنهائي الابطال ونافسو مانشستر لاخر جولة
واللي يتابع الكالشيو هالموسم يشوف كيف مورينو ماقدر يضبط الانتر صح واضطر انه يرجع لخطة مانشيني ومعتمد كليا على ابراهيموفتش

يعني االخلاصة مورينهو من وجهة نظري اللي ما افرضها على احد ما اشوفه مميز بالتدريب
المفروض الادارة تبقي راموس مدة اطول مثلا 4 سنوات وتعطيه صلاحية انه يضف البرابيس اللي بالفريق ويدعمه صح , ترا شلة الهولنديين مشكلتهم ما يعطونك الا كذا مباراة بالموسم بعدين يغطسون

هذا ينفع للريال لو ما يبغون راموس



مدرب ما يتأثر بالاعلام وكان ساحب على اعلام الانجليز العنيف ولا تأثر فيهم وفي عنصريتهم وخلق من انجلترا فريق قوي ما يطلع الا بالبلنتيات وطلع روني ووالكوت وهم توهم صغار
غير كذا خبرة عريضة بالملاعب من بنفيكا للكالشيو لمنتخب انجلترا


والله اعلم