السلام عليكم
بصراحه هذا النك بأسم ولد اختي ودخلت فيه لضع هذه القصيدة لان عضويتي ماتفعلت
ياليت لو تفعلونها لي وانزل القصيدة بنكي اللي قاسم الحربي
شكرا لكم
قاسم محمد الحربي
اهداء لشبية الريح
سلام ياأميرنا سلام يالغالي
ياللي على العز فوق هناك بالقمه
سلام لك من ضميرن عشقه هلالي
اللون الازرق جرى بعروقة ودمه
ياعزنا يابوفيصل بأول وتالي
ياراعي الطيب ياخاله وياعمه
اهداء للجمور الهلالي في كل مكان
أنا هلالي وأفتخر وأرفع الراس
واحد وغيري حول عشرة ملايين
أطباع مختلفة ولكن الاحساس
واحد في عشق هلالنا يامجانيين
طموحنا بالكأس ماغيره الكأس
المركز الثاني طموح المساكين
نرسم أخطانا كل ابوها على ساس
ندرس الابداع وسط الميادين
نرقى سما مانعرف الخوف واليأس
سجل لنا التاريخ عدة عناوين
أسم(ن) لمع بالماس بعيون هالناس
من ساحل أمريكا الى ساحل الصين
اسمه مسجل في وكالة أيتر تاس
عنوانه الابداع مابين قوسين
يسمع بذكره من سكن وسط كاركاس
واللي سكن باريس واللي ببرلين
تجمعوا ضده ملاقيف وأنجاس
صدر قرار أنه يبي يشيل كوزمين
جاهل و ظالم وصابك اليوم وسواس
ماشي ولكن ماأنت داري على وين
ياللي ضربت أرباع بخماس بسداس
شمس الحقيقة كلها أيام وتبين
سلم على عبسي وقلة ياعباس
مايهز رايتنا شوية شياطين
أنا هلالي وأفتخر وأرفع الراس
واحد وغيري حول عشرة ملايين
أطباع مختلفة ولكن الاحساس
واحد في عشق هلالنا يامجانيين
((ايتر تاس ...... وكالة الانباء الروسية))
قاسم الحربي
