نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ UCL R16 ][ الريدز قرب .. البلوز توب .. البايرن يتأهل .. فياريال يفشل ! ][

أسيــ الزعيم ــر · #113 26/02/2009, 05:36 AM

رجعنا ع الظهرية

مبرووووك مرة ثانية اللحين أتكلم عن المباراة .. كثير من أحداثها نسيتها .. لكن اللي ما نسيته و عشش في راسي مستوى أليكس الرااائع

أليكس البارح قدم واحدة من أفضل مبارياته .. بصراحة كنت خايف من انه يجلي كورة أو شيء لكن الحمدلله بيضها و كملها معه تيري بمستواه الرائع مع تشيك

قبل لا أواصل طرى في بالي البلنتيات .. معليش يا شباب بخالفكم .. اللقطة الأولى لـ دروجبا والله ما ادري مع اي لاعب لكن كانت واضحة ان دروجبا يتدلع فيها

لكن لقطة كيليني معليش يا جماعة .. اللاعب تارك الكورة و رايح لـ دروجبا .. هذي ركلة جزاء صريحة و غريبة انها ما احتسبت

نرجع ع المباراة و على هـ المحشش

لا تلعبونه الا قدام الكبار

هذا اللاعب اللي يحدث فارق في الفريق و اللي كان ناقصنا أغلب هـ الموسم .. جهد كبير في الملعب .. بثر .. هداف .. مساندة دفاعية .. ما شاءالله

اجل يروح يا ايوب .. احس اني لو قلت كذا بهون و الا

كل اللاعبين قدموا مستوى ممتاز .. حتى مانسين اللي اتمنى انه يستمر على مستواه .. كابيللو ما خذاه للمنتخب عبث

بالنسبة للمباراة عموماً .. أشوف ان تشيلسي من الطبيعي انه يهدي اللعب و يتراجع قليلاً بعد الهدف .. إيه نعم كنا نحتاج هدف ثاني لكن بدون إستعجال .. شفنا أكثر من هجمة كان ممكن نسجل منها لكن ما كان فيه توفيق .. و لو دروجبا تعامل مع الكرات الرأسية اللي جته بشكل أفضل كان ممكن نشوف نتيجة ثانية خاصةً عرضية بوسينجوا أعتقد قبل الهدف و الركنية بعد الهدف

كانت هالهجمتين بتثمر لو تعامل دروجبا معها بشكل أفضل خاصةً عرضية بوسينجوا لأني أحسها مستحيلة على بوفون اما الركنية ما تضمنها مع بوفون

اليوفي يمكن كانت أخطر هجماته كورة ديلبييرو اللي طلعها تشيك لركنية .. هجمة خطيرة فعلاً و غريبة على اليكس او انها ابداع من تشيك !

يعني في الشوط الأول كنا أفضل من وجهة نظري .. و كان بإمكاننا الخروج من هذا الشوط بأكثر من الهدف اللي سجله دروجبا

الشوط الثاني تحسن اليوفي و تراجع تشيلسي شوي .. و لكن مع ذلك الهجمات الخطرة فعلاً قليلة لليوفي و يمكن تكون أخطرها و اللي اقدر احصرها بتسديدة ماركيوني و انفرادة تريزيجيه و تسديدة نيدفيد .. غير كذا ما اعتقد فيه شي .. بس خلوا عنكم لو جت واحدة من هالهجمات هدف كان ضعنا

تسديدة أنيلكا ما توقعت تطلع منه

.. تسديدة متقنة الا شوي

و صعبة جداً على بوفون

تغيير هيدينك بخروج بالاك ممتاز جداً .. أولاً مانسين قدم مستوى ممتاز .. ثانياً بالاك كان ممكن ينطرد .. ثالثاً و اللي هو تابع لثانياً

خروج بالاك بالاحمر ممكن يقلل من حظوظ تشيلسي خاصةً ان بالاك قدم مستوى ممتاز مع ميكيل [ لكن هجومياً ضعيف ] خاصةً ان اصابة ديكو ما نعرف عن مدتها الأكيدة .. فيه اخبار تقول ثلاث اربع ايام و بيرجع !

حتى مع عودة إيسيان نحتاج لـ بالاك

في الإياب متفائل كثير و إن شاءالله نجي للمباراة و احنا كاملين .. الاسبوعين القادمة مهمة في الدوري و الأبطال .. و الأبطال هي الأهم بطبيعة الحال

رجعة إيسيان و كارفالهو .. الضعف الواضح في دفاع اليوفي و اللي لازم نستغله ان استمر على هـ الحال لكن الله يستر من اللي وراهم لا يردنا

اللحين قدامنا مباراتين بس في الدوري و بتكون يوم السبت و الثلاثاء .. مباراتين ياخذ فيها ايسيان جو المباريات بعد هـ الغياب الطويل و يرجع إن شاءالله بنصف مستواه و هذا يكفينا .. و كارفالهو ما يحتاج متعود ع الاصابات ما يحتاج اي مباراة

و أفضل شيء في الأسبوع اللي بنلعب فيه مع اليوفي ما عندنا الا هالمباراة .. شيء غريب لكن مُريح و ممتاز للفريق و إن شاءالله نستفيد منه .. الموسم اللي راح انضر الفريق بتقديم مباراة إيفرتون محلياً لكنه استفاد خارجياً .. و هـ المباراة إن شاءالله ما فيه ضرر !

فيه نقاط سريعة بتكلم عنها بالصور

هاللاعب عنده ارتقاء خرافي

.. صحيح طاح بين كماشتين و ضاع .. لكن معليش اليوفي ما استغلوا العرضيات بشكل سليم و الا كان من الممكن يكون فيه كلام ثاني

فيه كرة رأسية لعبها من بعيد شوي .. ايه نعم ما كانت صعبة على تشيك .. لكن كانت قوية و لو كان تمركزه اقرب للمرمى كان ممكن نشوف هدف لليوفي !

بوفون : من قدك سجلت علي هدف

لا و صورت معي بعد

دروجبا : بالله عليك

و يومِؤ بعينيه استهبالاً

كالو .. قسم بالله يا تمريرتك للهدف مجنووووووونة

تمريرة غير متوقعة ضرب فيها الدفاع .. والله يخلي كيليني البحري لنا

مبروك تشيلساوية الفوز

هدف ما يطمن لكن أفضل من تعادل سلبي أو إيجابي أو حتى فوز بتسجيل اليوفي .. الآن هدف هناك يقربنا أكثر .. و إن شاءالله دوم هـ الأفراح