الموضوع: مره صارلكم موقف محرج ؟؟
مشاهدة مشاركة بصفحة مستقلة
  #1  
قديم 13/02/2009, 05:18 PM
الصورة الرمزية الخاصة بـ شوق الكويت
شوق الكويت شوق الكويت غير متواجد حالياً
زعيــم مميــز
تاريخ التسجيل: 04/07/2008
المكان: KUWAIT
مشاركات: 5,948
مره صارلكم موقف محرج ؟؟
صباح الخير / مساء الخير

اشلونكم شخباركم عساكم بخير

هذا موسم العروس عندنا بالكويت مدري عنكم والله عالعموم مبروك للمعاريس اللي توهم متزوجين
مره صارلكم موقف محرج بعرس سواء بنات او شباب اذا كنت صاحب العرس او احد من اهلك وايد مواقف تصير بالعروس تخليك تتحسف انك رحت هالعرس




انا بقولكم جم موقف صارولي مره من المرات وانا بعرس وحده من الاهل دخل مع العروس اخوها يوصلها ويطلع وهو طالع طبعا احنا والحريم كلنا لابسين عبايات وحجابات ومغطين وجيهنا ولما وصل اخر الصاله فصخنا العبايات والشيلات ولا طلع الباب مقفول من برا باب الفندق والولد توهق مو قادر يرجع المهم اخته الملقوفه قالتله لف ارجع للباب الاولي هو لف طبعا اللي شافه وهو رايح كله اسود بس لما رجع شاف الوان واشكال مسكييييين توهق والحريم اللي تتغطى واللي تدخل ورا اللي يمها علشان تتغطى يعني باختصار عفسنا وهو يضحك الاهبل

بس طلع واحس ماراح يدخل مره ثانيه قاعات حريم من هالموقف




وموقف ثاني مره بنت خالتي بعرسها كانت تحن وايد قبل الحفله لانها خايفه المهم توها داخله على زفه راشد الماجد مااذكر الاغنيه اول مااقعدت طفت الكهرباء حرااااام مسكينه اشوي وتبجي لان صار ظلمه وهدوء عاد الحريم قالوا الف الصلاه والسلام عليك ياحبيب الله محمد وماشاءلله تشغلت الكهرباء



ماتلاحظون شي ان البنات صاروا يحنون على الزواج اكثر من الشباب ليش تتوقعون والله الشباب قبل يحنون عالزواج والبنات يبون بيت اهلهم ولكن الحين البنات هم اللي يحنون وودهم يتزوجون ؟؟؟؟؟؟؟؟


تتوقعون شنو العمر المناسب للزواج سواء للبنت او الشاب ويفضل جم بينهم تقريبا

وسؤال اخير هل توافق تتزوج بنت اكبر منك حتى لو بالاشهر ؟؟ والبنت هل توافقين تتزوجين واحد اصغر منج ؟؟؟
انا عن نفسي ماافضل لان لازم يكون الرجل اكبر من البنت لكن نفرض البنت دخلت سن العنوسه يعني ممكن تتزوج واحد اصغر منها بالاشهر لان العمر مو عيب بالنهايه .

انا برايي البنت حلو تتزوج بعمر ال22 وفوق لان تكون البنت اكبرت ونضج عقلها واتركت سوالف الصغار والدلع وتعرف تقدر شعور زوجها وتكون مسؤوله عن بيت وعايله
اما الشاب اتوقع 24 زين لنفس الاسباب واهم شي يكون ترك سوالف الشباب اللي قبل الزواج وحلو يكون بينهم سنتين عالاقل ....




الله يوفق المتزوجين ويرزقهم الذريه الصالحه ..... ويزوج اللي مو متزوجين وهم يرزقهم الذريه الصالحه

لاتلوموني عالعنوان مااعرف احط عناوين مثل العالم

شاركوني بآراءكم
اختكم شوق الكويت
اضافة رد مع اقتباس