مــلاحظة للـ (المعترض) دخول المفرج كــان علــى الكورة و ليس على اللعب و بشكل واضح اما المطالبه الاهلاوية بـــبلنتي فهذا شي عادي (في المبرات الماضية حسب الحكم بلنتي على الدوخي بدون سبب واضح!) و لو تقول ان دخول المفرج بـيـعـطـي الحكم فرصة يحسب بلنتي فالسؤال لك هل تبي المفرج يقعد يتفرج عليه و هو منفرد بالدعيع ! ؟


ثـــانياً أحمد خليل اللي تطلب بوجوده مستوه في غايـــة السوء ( الموسم هذا وليس الماضي ) و مع هذا تريده أسـاسياً في الفريق (مع العلم أنه لعب في الموسم هذا بجانب الشريدة و الدعيع كما تطالب) و نكب الفريق و وهق الدعيع بكثرة الانفرادت و تعب الشريدة والدوخي و عزيز بتغطية أخطائه.
يعني بالعربي أخذ فرص وليس فرصه و أثبت فشله في سد الخانه ! فكان لابد من أعطاء غيره فرصه وهو ما حصل بالفعل و تحسن الدفع الهلالي بعد خروجه من التشكيلة الاساسيه.

أنا لست ضد أحمد و لا مع فهد و لكن مع الهلال ولي يبي يخدم فريقي حياه الله و اللي يبي يسحب رجلينه و يتفرج على المهاجمين فلا مكان له في الهلال (باستثنئ المسعري عنده و اسطه و شكله يبي يكمل 55 سنه وهو في الهلال) !

-----------------------------------------------------
المفرج و مبارات الشباب 3-2 على الكاس

أنا لاحظة ان أغلب اللي ضد المفرج يستشهدون بهذه المبارات مع أن مستواه كان جيد فيها و أنضم بعد نهاية الموسم للمنتخب أيام أستعداد ته لمونديال 98 و تعرض لأصابة قوية في المعسكر!!
فهل السبب الهدف اللي سجله المهلل في مرمى حسن العتيبي !

إن كان هذا السبب : فياليت لو تتذكرون المبارات اللي قبلها في المربع مع الاهلي 2-1 في الرياض لان هذه المبارات سببت أزمة اعلامية بسبب احداثها :

الأهلي كــان متقدم بهدف علينا و من هجمة مرتدة على مرمان يحصل سرجيو(مع الاهلي) على انفراده و يسحب الحارس و يضع الكرة في المرمى و يتجه الحكم و يمنح سرجيو بطاقة صفراء ثانية (كرت احمر) و لم يحتسب كهدف للأهلي لان سرجو دفع محمد لطف قبل أن ينفرد وصفر الحكم(فاول) و سيرجو طنش و نطلق للمرمى . واستطاع الهلال بان يقلب النتيجة على الاهلي بهدف التمياط ثم التيماوي . وبعد المبارات و لمدت أسبوع ما كان للجريد شغلة غير هدف سيرجيو الملغا . ومعظم الاعلام كان يسب و يشتم في الحكم ليش يلغي هدف في مرمى الهلال و أذكر أن جريدة المسائية الله يذكرها باللخير حطت صور ضخمة لدفع سيرجيو للطف، وكذلك الاوربت (الشتالي)أكد صحة قرار الحكم في استديو اوربت قبل مبارات الشباب.

مبارات الهلال 3 - 2 الشباب (حكم المبارات كان المهناء )
هذي كانت أول مبارات لي أحضرها في الملعب وكنت جالس خلف مرما الهلال في الشوط الاول (ما لقيت مكان في الجهة المقابلة و طلع من حظي كل أهداف المبارات جت في هذا المرمى)
المهم جت شبه انفراده للمهلل و كان معاه المفرج فيضع المهلل يده على كتف المفرج و يرميه ارضاً المهناء وش يسوي يحسب فاول للهلال و تطالب الصحافة برئسه اليوم التالي و الا يمشيه؟
و طبعاً يمشيها و يظلم الهلال (كالعادة) مستفيداً من قاعدة اللا هلالية (أنصر أخاك ظالما أو مظلون)
والحمد لله فازالهلال بالكاس ولا أحد اهتم بموضوع .

والحين و بعد هذي السنين تجون وتقولون المفرج نكبنا قدام الشباب !! لومو المهناء و قفوه عند حده أول !! على فكرة المهناء حسب ضربة جزء صريحه للتمياط في تلك المبارات و شكله ندم عليها و قدر يطلع الهلال من المربع قدم النصر بتطنيش بلنتي الكاتو( اعوذ بالله ناس توجعهم قلوبه اذا عطو الهلال حقه)!!!

------------------------------------------
الهلال 0-2 الاتحاد في جدة على كاس الدوري


أنا صراحتاً ما أذكرأحداث المبارات هذي زين بس اللي أذكره أن الهلال خسر الشريدة قبلها قدم النصربسب كندي و كوعه وتغيرت التشكيلة الاساسية للهلال بوجود ليتانا(أجنبي) في الدفاع مع المفرج.

فسؤال يا جماعة الخير تقدرون تعلموني وشلون يكون فيه تفاهم بين لاعبين ما لعبوا مع بعض ؟ ولا تنسون مبارات كاس يصير الواحد مرتبك و على أعصابه و اللعب اللي جنبه اجنبي ما يقدر يتفاهم معه بسهولة من مبارات واحدة؟؟؟ فاشوف ان كون دفاع الهلال مفكك شيء طبيعي جداً يتحمه أوسكا الذي لم يضع في باله أو في حساباته أصابة الشريدة المفاجئة.
----------------------------------------------------------------
أن لا أقول أنا المفرج معصوم عن الخطاء فقد سبقى و أن أخطاء أما النصر وسجل هدف بالخطاء في الهلال و لكن والحمد لله طلعنا فايزين 2-1 و تسجيل هدف في مرمى الفريق لا يسمح لي ان اهظم حقه فهو كان ممتاز في ذلك الموسم قبل ان يصاب وخصوصاً اما النصر في البطولة العربية و للمعلومية كبتن الهلال فيصل ابو اثنين سجل هدف في مرمى الهلال بالخطاء(نسخه من هدف المفرج) و كاد أن تذهب البطولة لفريق الثمامة لولا الله ثم شجاعة الحكم المغربي (بلقولة)-رحمه الله- بأحتساب بلنتي صحيح 100% للغامدي على ماطر .

-----------------------------------------------------------------------------
----------------------------------------------------------------------------
يا جمهور الهلال أذا صار اللعب يقدم مستوى جيد شجعوه و خلوه يتقدم أكثر و أكثر ، و أذا أخطاء وجهوه و نبهوه ، ولا تهاجمونه و تحطمونع معنوياته لخطء واحد في موسم كامل .فمثلاً ما قام به بعض الاعضاء في هذا المنتدى جزهم الله خير مع المفرج بنصحه بتجنب الحركات الهوائية التي غالباً ما تكون سبب في خروجه مصاباً و فعلاً شكل المفرج اقتنع (حتى الان) و ما شفنا من غير مره واحدة في المبارات الماضية اما الاهلي و جه كوع في بطنه (بدون قصد)من مهاجم الاهلي .

-------------------------------------------------------------------------------
والله يوفق الهـــــــــــــــلال.