طيب ياسر مو دايملك !

ما تدري عن الدنيا يمكن يصاب لا سمح الله ويغيب كم مباراه .. يمكن يكون بالمنتخب زي وضعنا الحين .. وحمد الله ان مباراة الحزم تحصيل حاصل والا كان انكبنا كل مهاجمينا غايبين مافيه الا المبارك والا الباقي جايبينهم من درجة الشباب .. ولا تقولي الصويلح انت شايف وضعه كيف من العام وهو مستواه سيء .. والا العنبر اللي يعجبك بمباراه ويختفي بعشر .. والا السعود والا المبارك والا والا ..

اعتقد ما نقدر نقارن بين مهاجمين الهلال "باستثناء ياسر" ما نقدر نقارنهم بالمحياني اللي تصدر هدافين الدوري اكثر من مره مع انه مع الوحده اللي له سنيييييين ما اخذ الدوري ..

إقتباس وراقي فلاته ( المهاجم في درجة الشباب ) ، اضافة ان درجة الناشئين ملئية بالمهاجمين المميزين .. ولا تنسى اخوي حواري الرياض ايضا

يا حبيبي هذول يبغالهم وقت طوووويل عشان ياخذون على الوضع بالفريق الاول .. يعني عندنا مهاجم ممتاز وتقولي ندور في حواري الرياض !! ليش يعني .. صراحه انت انسان غريب جدا .. وبعدين وش علينا من درجة الناشئين احنا نتكلم عن الحاضر ما علينا من المستقبل يحلها ألف حلال نبي مهاجمين الحين بالفريق الاول ورانا اسيويه !!

الهلال محتاج مهاجم يريح الجماهير ومستواه يكون مميز .. وصدقني لو جاء للهلال فانا متأكد ان مستواه راح يتطور وراح تشوفه بالمنتخب