اتجهت اليه وقلت له با الحرف ( انا مقتنع بك كمدرب يشهد له بخبرته ولكن ينقصك قلة الحظ وحبك للطريقه الدفاعيه ووجود لاعبين في الفريق يخذلونك وفوق هذا الاصابات .....)

يا أخي العزيز وش الخبرة اللي تقول عليها كم لنا من مباراة وحنا ما ذقنا طعم الفوز والتأهل جاء من عنق الزجاجة أما من ناحية الفرص أكيد فيه فرص لأن فريق الجيش مسلم نفسه للهلال والله لو لعب الجيش كان ما يحلم بها المدرب، العام الماضي فزنا على الأهلي في النهائي وقمنا نمدح المدرب وقلت أن الأهلي وهو الصحيح ما قدم شي قدام الهلال وإلا المدرب ما حولك أحد بس أحياناً الفريق اللي قدامك يساعد المدرب على البروز ولو التشكيلة صح والمدرب صح كان حشيت الجيش بكومة أهداف. والدليل المفروض نزول الصويلح من بداية الشوط الثاني ولو أنه مدرب فاهم يا أخي كثر الفرص اللي ضاعت في الشوط الأول وش تدل عليه لو أنه مدرب يقرأ المباراة صح كان عرف أنه فيه خلل في الهجوم وكان نزل الصويلح كان ضمن النتيجة بدري مهوب بغت تطير عليه واللي سواه المدرب مهوب شطاره منه كان غصب عليه لأنه خلاص إذا طارت المباراة بيطير بعدها.
أما الإصابات يا أخي وش الهلال علشان نتعذر بالإصابات يا أخي فريق كامل ونقول إصابات يا أخي هل تعني بدرا مؤثر في الهلال هل نواف مؤثر في الهلال إذا كان الهلال لن يقدم مستواه إلا عند رجوع نواف فعد الهلال خلاص لا يا أخي المدرب الجيد لا يعترف باللاعبين بل يعترف بإمكانياته وبس وهو الذي يجعل من اللاعب نجم إذا وظفه في المكان المناسب ووضع الخطة المناسبة له

فقال (اقسم لك ان ما تقوله صحيح ولقد فعلت كل ما بوسعي ولكن الحظ كور في العارضه اهداف محققه تضيع اما عن الطريقه الدفاعيه في هذه المباراة فانك تعرف ان التعادال يؤهلنا واعدك واعد الجماهير الهلاليه بالتغير واعطاء اللاعبين وخاصه في الهجوم الفرصه)

هذا يا أخي العزيز مدرب جبان لا يعشق إلا الدفاع كما تقول أي مدرب يعشق الدفاع حتى مع الفرق الضعيفة أجل لو يلعب الهلال مع فريق حواري بيلعب بنفس الخطة يا أخي الهلال بحاجة إلى مدرب شجاع وصاحب تكتيك كروي عالي وصاحب تغييرات صحيحة في المباراة وليس مثل هذا المدرب والدليل الكبير مباراة الخليج القادمة إذا لعب بنفس الخطة فهذا المدرب فاشل بكل ما تعنيه الكلمة .

والله ثم والله ثم والله ان ادي موس مدرب يعشق الهلال ومدرب ذو خبره ويفهم في اصول الكره
اذا لم تصدقوني ارجعوا الى ما كتبتم انتم بعد الحصول على كاس ولي العهد

أنا أقول لك إذا فاز الفريق فإنه يطيرون بالمدرب وأنا والله لست مع المدرب من يوم ما أحضروه وكتب عن ذلك في السابق مباراة الأهلي في كأس ولي العهد الأهلي هو الذي ساعد الهلال لأنه كان الفريق عبارة عن دفاع للهلال فلو لعب الأهلي بنصف مستواه لفاز على الهلال وشكراً.

ووالله ثم والله ثم والله ان اوسكار لو قدم سيكمل على ما بقى من الهلال ولو كان فيه خير ما تركه الطير
كان مع الاتحاد وبنجوم وحاله ماديه فوق الرائعة وفشل
ارجو من الله ان لا يعقبنا بإنكارنا للنعمه (ادي موس)

يا حبيبي قلبي أوسكار أرجع له ولتاريخه والتاريخ يشهد له وأنت تذكر أول ما جابه الهلال كيف كان مستوى الهلال وهو مدرب حازم ما عنده دلع ما يعرف لا جمعان ولا نواف ولا سامي المدرب ما يعرف إلا الفريق وبس ولا ننسى البطولة العربية اللي حققها مع الهلال ومستوى الهلال وأكبر دليل على ذكائه مباراة الهلال والعربي الكويتي يوم ينطرد بهجة والعربي متقدم بهدف شفتى وشلون قلب النتيجة بثلاثة والله لو تبغاني أحلف بالعشرة وبالمية وبالأف أنه ما يقدر يسويها والهلال خسر الدوري معاه بضربات الجزاء وكان الشباب متقدم وأنت تعادلت ولا ننسى طريقة الشباب السابقة أيام كامبوس 5-4-1 وكانت دفاعية بحته . بعد كذا جاء للشباب وقدم الشباب مستوى ممتاز ولعب على النهائي قدام الهلال وخسر بالهدف الذهبي بعد كذا جابه الهلال وحقق السوبر الآسيوي وبعد ما جاء للإتحاد حقق معاه بطولات ولا يحتاج نذكرها فيا أخي العزيز المدرب يشهد له تاريخه ولا نشهد له نحن المشجيع وشكراً لك ..

وانا اول من يصوت لبقاء اديموس والتجديد معه لمواسم وليس موسم

وأنا بذكر كلها كم مباراة وبتسب هذا المدرب يا أخي المدرب الكبير اللي يشغل مخه صح ويعطي كل فريق حقه ولا يخاف من الفرق الضعيفه يا أخي شف مستوى الهلال من يوم ما جاء متذبذب ثم يطلع لك في مباراة مستوى جيد ولو لاحظنا أن الفريق اللي نلعب أمامه يساعد المدرب على البروز أحياناً المدرب لابد أن يكون شجاع وأوسكار شجاع والدليل يوم كان يدرب الشباب لعب قدام الهلال بخطة هجومية وما خاف من الهلال وكاد يفوز على الهلال بس قدم المستوى اللي يقدر عليه وهذي إمكانيات لاعبية فبصراحة سلم لي عليه .

بس بصراحة إن المدرب يعشق الهلال إلا والله يعشق الدراهم وإلا والله ما همه لا الهلال ولا غيره وهذا حال المدربين .....