السلام عليكم و رحمة الله و بركاته



تسلم ايديات من سواه

كل عام و انتم بخير ..
امس خذنا احسن عيدية ..
والله يا فازكويز شكله بيدخل الجنة على هالتلعين اللي جايه
امس لا حظ , ولا مدرب , ولا حكم
ايام سيئة جدًا على الريال .. الله يعديها على خير .. بس والله يا لها طعم تحسك
عايش في اكشن موب مثل الموسم اللي فات تقوم و انت خسران تلقى
برشلونة يخسر بعد و الفارق نفسه ..



يا ربييييييييييييييييييييييييي
عسا ما تحطمت بس ؟ لا لا جرحنا مشاعرك ؟
شوستر صاجك من بداية الصيف يبي صفقات و انت جاي تقول لا لا فريقنا كامل ..
ولا بعد تبيع روبينهو و باتيستا ؟ عساها قرصة اذن و بعدها يرجع مثل ما قال عبدالله
بنزيما .. مثل لابورتا و نلقاه جايب لنا كم صفقة .. 400 مليون ما دفعتالا 14 عشان
تكمل شلة الأنس اللي بالفريق .. اربعة بس يستاهلون الفريق اما فارت و مريام فارس
فارت يبيله مكان صح و مدرب عارف طريقة لعبه و مزاياه .. والحبيب درينثي يبيله
بعد تطور مستوى .. مثل عقلية اللاعب الافريقي تمامًا !! مع انه هولندي .. حتى السحبة
ما يعرف يسحب .. ما عنده ثقة في نفسه اببد .. هونتيلار بداية التصحيح .. والله اني مأمل
بكالديرون .. ان شاء الله بعدها جناح و محورين و قلب دفاع و ظهيرين ! هذي احتياجات
الفريق .. و نعم انها كبرياء مدريد ! امحق من كبرياء اللي خلتنا ننذل في البرنابيو و نبي
هدف عشان نتعادل بس ! غلطان يوم قلتها والله .. بس وش دراني ان هـ العواقب بتصير



الفريق امس لا تكتيك ولا هم يحزنون .. كلها " روح مدريد " .. و شوستر الاخو متكي
مع خويه و قاعد يشكي همومه له .. لا يروح يوجه اللاعبين ولا يتحرك من مكانه ..
تبون الصدق .. شكله ما يفكر من يحط دفاع .. يشوف من المتواجدين .. و ان صاروا
4 زين .. و ان نقصوا رقعناها من الكاستيا ولا رجعنا درينثي جناح .. والله زينة ترى
قدام البرشا .. ولابعد من زين هـ المدرب :S يقول ما نقدر نفوز على برشلونة ..
هذا و حنا كنا نقول اختصاصه اجل يعني كنت اسلك له من الناحية انه ما يعرف
يحافظ على نفسيات اللاعبين ولا يحمسهم .. و اقول في نفسي اهم شي النتايج .. بس
بعد هالتصريح ما بعده شي ! .. صحيح انها صعبة و صعبة و صعبة نفوز على برشلونة
الا تبطي عظم نفوز عليهم .. بس ياخي حمّس اللاعبين عطهم جوهم .. يا خوفي روح
مدريد اللي امس تروح .. ترى الحماس اللي ما يجي منه نتيجة يخلي الواحد يائس لأبعد
درجة يعني تهقون بنقعد بنفس الروح طول الموسم ؟ انت لاعب فنان و جيت فريق
مخيس و اول المباريات بتزعل و تصارخ اذا خسرت .. بعدين تصير متعود على
الخسارة .. الله يعين بس الله يعين ..



ضحيت فينا بدري .. بالله هذا حكم ؟
خلوا البلنتيات .. خلو الطرد .. شفتوا كيف الاستقعاد لنا في آخر الدقايق و تغيير مكان
الآوت .. قسم بالله هذا اللي بين لي انه ضد مدريد و باين ما بعدها شي ! يعني بالوب
شاد فنيلة هيجوين ، و بلنتي ثاني لهيجوين يوم المدافع يمد يده عليه .. و بوقس مدري
بوكس على جاجو و الكرت الاحمر .. والله لو اني مكان روبين كان عطيته كف و
ما علي منه ما احب اتكلم في التحكيم ابد .. بس بعد مهزلة امس ماينسكت عنها
و غير التحكيم امس الحظ كان ضدنا .. والله مباراة ترفع الضغط



والله يا اننا بناكلها من البرشا .. مباراتنا قدامهم لازم نضغط على حامل الكرة و ما
نتركه و تكون السيطرة لنا لأطول حد ممكن .. المناولات و النقلات أفضل شيء
عندنا لاعبين يجيدون الكرات الهوائية .. ان شاء الله نشوف روبين في اللقاء
الدفاع من فيه بس ؟! " راموس - سلجادو - كانافارو - ميتزيلدر " يعني معقولة ما
في ظهير ولا حتى احتياط ! ممكن نشوف درينثي هالمرة ظهير .. و الاحتياط
ميتزيلدر .. حسبي الله و نعم الوكيل



انتم شفتوا حماسه امس ؟ شفتوا كيف يبي يفوز بأي طريقة .. يا شيخ قلبي يطيح
مع كل كورة تضيع ! كيف هو يا لبيه يا شخصية القائد انت

.
.