نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

المحبره · #35 05/12/2008, 09:33 AM

أهلين الهنوووف

وش فيهم جيل النيدو

؟! و الله طلع منهم عباقرة .. و ناجحين
و المواصفات اللي ذكرتيها كانت موجوده عند الجيل السابق لكن حسب مجتمعهم وبيئتهم !
يعني مثل التعلق بأشياء تافهه .. ترى كان عندهم ألعاب وترفيه .. ماكانوا جادين وحياتهم عمل بس !
بحكم إني أصغر شيء بالعائلة .. فأعرف حركات الجيل السابق المرير

ماكان عندهم صحوة .. أمور كثيرة يعملونها عن جهل بتحريمها !

لكن بعض أفراد جيلنا (فارغ من الداخل) أقصد اهتمام كبير .. لكن بـ لاشيء !

من ناحية تصادم الأجيال .. هذي بالفعل مشكلة !
لا الجيل الجديد عارف يروض الجيل السابق .. و يصادق أمه أو أبوه ويعيشون اهتماماته بحدود ..
و لا الجيل السابق عنده صبر و استعداد إنه يسمع إلى النهاية .. ويتحمل مسؤولية الأبناء .. إلا ما رحم ربي !
أهتم كثير إني أتكلم مع أمي الله يخليها لي .. عن أشياء ممكن ماتهمها .. لكن عشان تكون مركزة معي .. وماتتصور إني تافهه ,,
رغم إنها أحياناً مايعجبها الموضوع أو الفكرة ! لكن وش أسوي !؟؟
بالمقابل أحرص إني أعرف الأشياء اللي تهمها وأسأل عنها ..
الانسجام .. و حسن التعامل والبر .. حل لجزء كبير من هالمشكلة ..

إدمان الانترنت .. يعتمد على المضمون !
وكل جهة لها فائدة وضرر !
أما عن الفيس بوك أو النت لوق أو حتى غرف الدردشة .. ما أتكلم فيها لأني ما أعرف طريقها !!

يبدو أنك بالفعل مدمن إنترنت. تابع إسلام أون لاين لتجد عندنا سبل لعلاجك من هذا الإدمان.

هذي نتيجة الاختبار .. و ما أتضايق أبداً !!
وماراح أتابع لأجد علاج

أنا بالفعل أجلس كثير ع النت .. أدور هنا وهناك .. و أحقق الكثير !
ممكن أستفيد و أفيد .. مو دائماً الوضع سيء !
تخيلي .. حتى دراستي ع النت !

أما العجز أو الكسل .. صحيح حاجه سيئه .. لكنها مو بس في هالجيل

الله يقوينا .. وينشطنا

ألف شكر الهنوووف .. ع الموضوع المفيد و الممتع ..

حلوة المواضيع النقاشية .. والأحلى التنسيق والخلفيات << ماعدا ذيك الظلماء

شكراً ,,