على فكرة .. ( بصراحة أحس اني قاط في موضوعك
)
أذكر أيام الجامعة كان معنا واحد حايل وتوه طازه هو وأخوه مابعد كملوا اسبوعين في الرياض
الحاصل .. جاني ذاك اليوم ويقولي والله مافيكم خير ياهل الرياض .. قلت ليه ؟ ( وبلغة أخرى وراوووو
) .. قال لي انه اخوة تعرف على مجموعة من الشباب واحد منهم تكفل وعزم الشلة .. يقول خوينا عاد اخوي من بعد صلاة المغرب وهو يتلبس ويتبخر .. وخر عنه .. الرجال معزوم عند واحد من اهل الرياض
.. يقول لي عاد .. مالت عليكم .. راح اخوي لبيت الرجال ويلقى الشباب متجمعين عنده يلعبون بلاي ستيشن
ويقول انه اخوه تحمل .. وجلس معهم على الأقل يشوف العشاء .. مادرى الا ويركبون السيارة ويوديهم المعزب لكنتاكي هههههههه ويزعل الحايلي من هالحركة .. وياخذ لموزين ويرجع لبيتهم احتجاجاً على الوضع وقاطع شلة ( الخكارية ) على قولته
