[القسماوي]

السلام عليكم و رحمة الله و بركاته

أسعد الله ( صباحكم - مساءكم )بالخير و اليمن و البركات ....

أرجو مشاركة الجميع في هذا الموضوع بحيث أن من يجيب إجابة صحيحة يحق له وضع السؤال التالي ...

نبدأ في السؤال الأول ...


طلب أحدهم من مهندس أن يبني له منزلاً أو كوخاً أو غرفةً من أربعة جدران فقط بحيث أن يكون في كل جدار نافذة واحدة و كل نافذة من هذه النوافذ الأربع تطل على جهة الجنوب ؟؟؟

بماذا تنصح هذا المهندس ؟؟؟

[FINAL10]

انصحه انه يبني جدار واحد. ويحط النافذات كلها من الجنوب

او لا يبني بيت ويقول لراعيه انزلع ههههههههههه

[-xxf7xx-]

يبني كل الجدراان بنفس الإتجاه الجنووووب


ويحط بكل جدار نافذه وتصيير أربع


هذا الي عندي!

[القسماوي]

إقتباس الرسالة الأصلية كتبت بواسطة ولد عنزة انصحه انه يبني جدار واحد. ويحط النافذات كلها من الجنوب او لا يبني بيت ويقول لراعيه انزلع ههههههههههه

أشكرك على التفاعل أولا

أما الاجابة فهي مع كل أسف خاطئة لان اللغز يقول ( أربعة جدران )

[القسماوي]

إقتباس الرسالة الأصلية كتبت بواسطة -xxf7xx- يبني كل الجدراان بنفس الإتجاه الجنووووب ويحط بكل جدار نافذه وتصيير أربع هذا الي عندي!

أشكرك على حضورك

من ناحية الاجابة وضح اكثر كيف تكون جميع الجدران باتجاه واحد . وشلون تصير غرفة أجل
حاول ثانية

[البحر الأزرق المتزعم]

يبني له غرفه من اربعة جدران وكل جدار فيه شباك

وتكون الغرفه دواره زي الكرسي الدوار يفرها على كيفه <<< أقول لا يكثر م مشكله تشغيل المخ


بصراحه ما عرفت

[العطر]

اما انا ..

ابي اقول للمهندس حط رجلك ..

وبعدين المهندس مالقى الا انا يشاورني ،، عز الله اللي تدهور

بقوله وش لك بغثى ووجع الراس ..

تعال عندي وابن لي غرفة بدريشة وحدة جهة الشمال ..

وقضينا ..

مافيها شي الحرب خدعه

[MaRoUaNe]

إقتباس الرسالة الأصلية كتبت بواسطة القسماوي بماذا تنصح هذا المهندس ؟؟؟

أنصحه يقدم إستقالته إذا طلب أحد غرفه زي كذا

ولا يكتب على كل نافذه جهة الجنوب وخلاص

[RAID2001]

سلاااام


ممكن اشارك


طيب



في 3 شبابيك بتطل على الجنوب

الدريشه الجنوبيه

و الدريشتين الشرقيه و الغربيه برضو تبي تطل على الجنوب "بس يبيلك تميل راسك


المشكله في الدريشه الشماليه


ما له غير انه يرفعها الين قريب السقف و الي يبي يطل على الجنوب يطلع راس من الدريشه ويلتفت جه الجنوب من فوق السطوووج



هاه كيفي معاك

[الهلالي 11]

واضح جدا نجاح الموضوع من ردود الاعضاء ما شاء الله اللهم صلي وسلم على سيدنا محمد ذكاء عجيب اشوفه ببعض اليوزرات لا واللي منزل الموضوع يسلك لكم

يعطيك العافيه اخوي ...

[(اسير& المحبة )]

صراحه الاخ رايد جابها تقولي طلع راسك من فوق السطوح ياشيخ يلبي جوك بس ومفصلها السالفه تفصيل بعد ماشاء الله

[هلالي مافيه حيلة2007]

يبني الغرفة بعسير فتصبح تطل على الجنوب
او يبنيها بجنوب الرياض

احس جوابي ماله سنع

[ابو رنيم99999]

والله سهله هو ماطلب سقف يعني يكون الجواب كالتالي:



الجدار الجنوبي طوله مترين وفيه دريشه
الجدار الشرقي طوله 10 متر ويكون مايل للخارج وتكون فيه دريشه
الجدار الغربي طوله 10 متر ويكون مايل للخارج وتكون فيه دريشه
الجدار الشمالي طوله 10 متر ويكون مرتفع بحيث يتعدى ارتفاع الجنوبي وتكون في اعلاه دريشه




والله اني ذكي

[Hilali88]

سؤال حلو بس صعب شوي

بانتظار الإجابة

[القسماوي]

أشكر جميع من مر من هنا على تفاعلهم .

لكن مع كامل الأسف جميع الإجابات السابقة خاطئة ولافيها أي إجابة قريبة حتى . ( شكل الصيام مسوي فيكم بلاوي )

وش رايكم أنزل الحل وإلا ننتظر ونترك الفرصة لمحاولات أخرى .

فكروا تراه سهل بس يحتاج تشغيلة مخ شوي وهالحين كلكم أفطرتوا ( جعله عافية ) ورونا شطارتكم .