[الزمان ولى وراح]

إلى كل سعودي وسعوديه ..







اكتشفت انا نحن الشعب السعودي العظيم..شعب.. قوي..مكافح..صبور..
شعب شعاره فلها وربك يحلها..بكل مايعنيه هذا الشعار من معاني وفوائد..
ليه؟..

اولا..على الرغم من الضايقه المالية اللى يعيشها اغلب الشعب..
والتطفير والفقر اللى يشع ويلمع من عيوننا..




الا اننا اكثر بشريه في العالم تتسوق..شغالين مقاضي من سوق لسوق..من محل لمحل..


مايمديك تسمع عن كريم رائع رهيب فله الا خلص..
بلوزة حلوة في المحل الفلاني

تعال افلقني اذا لقيتها في اي فرع من فروع المحل..





روج وردي خاقوقي..جزمه فلات مريحه..تنورة سوداء راكزه..

مافيه بح اختفت
..
وياليته عالاسواق ابد فرمنا ابو المطاعم فرم..
مطاعم الاسواق تشتكي..مطاعم الشوارع..
امه لا اله الا الله عندها..
فتح تشيليز وابل بيز لو تشوف الطوابير حولها تقول هذولاء ماعمرهم شافوا أكل..
(مطفرين و شغالين بلع..)<< اذكر الله









.............................................................


من ناحيه الدراسة..


عندنا من اسوأ الجامعات والمدارس..

اغبى الانظمه والقوانيين..تعقيدات ومصاعب
..
مبانينا خربانه..

قاعاتنا مكسره(اذا جيت بدخل القاعة متاهه..

لازم اتأكد ان كل بلاطه بمشي عليها ثابته تفاديا لاي تعكرف والا طيحه ممكن تسبب فشيله)..







حماماتنا زكيه(الله الله يا الحمامات على اخر الدوام وبما ان التصريف عندنا على قدر عالى

ماتشم غير روائح الفل والياسمين)..




مكافئاتنا ماتصرف(تخيلوا كليتنا نزلوا مكافئتنا على البنك بعد معاناه دامت لسنين من التسليم يد بيد..

وبعد فتره وجيزة تطاقوا هم والبنك ورجعوا على النظام الاول)..





قاعتنا ماتبرد(طيب تخيلوا مره ثانيه انه طول الترم الثاني اغلب قاعتنا خربت المكيفات

تخيلوا في هالحر بدون مكيفتدرون ليه؟

برضوا الشركة المسئوله عن التكييف عندنا تخاصموا مع كليتنا)..









بس وفي المقابل الشعب شغال تعليم..طلابنا كثييييير..الجامعات والمدارس مليانه..
واجبات وبحوث تعجيزية نقدم..
امتحانات صعبه نحل..
انشطه نشتغل..
تفوف نتفوق..
نظام التراكمي من اولى ثانوي تحسب الدرجات..
القدرات..
التحصيلي..
تخصصات قليلة ترضى الطموحات..
ومازال طلابنا يحصدون الـ99 والـ100..
<< هب عليكم..ماتعوق معهم ماشاء الله..



.............................................................




سقط سوق الاسهم سقطه..
عورت المجتمع وضربته على قفاه ضربه موجعه..
المؤشر احمر احمر احمر..
والشراء اخضر اخضر اخضر..
ومازال شعبي الجميل يشتغل بالاسهم..


بناتنا يقولون..:
عيالنا شيون.. خشنيين..مايدلون طريق الرومانسيه..انانيين..مشهبين..مايملى عينهم الا التراب..




عيالنا يقولون..:
بناتنا..شينات..دلوعات..مايتحملون مسئوليه..ركبهم سود..مهورهم غاليه..
ومع ذلك الزواجات على افى من يشيل..
القاعات فل..
المشاغل زحمه..
وماليزيا تشتكى..


مافيه اماكن نتمشى فيها..
لاطبيعه ولا تطور..

(ياحبايبي انا..طلعت المملكة والفيصلية من خشومنا..دخلوها في كل شئ حللو ابوها تحليل)..
فماذا فعلنا؟؟..
افترشنا المخططات..
مترنا الاسواق..
استوطنا الثمامه..











النت عندنا خايس..
وندخل النت ونسولف ونتواصل ونحمل ونسوى اشياء كثيييير ولا يهمنا..


هذا الموضوع الى كل سعودية وسعودي مكافح..
سلخته الشمس واعدمت جلده..
اتعبه الكبت وكتم نفسه..
قتلته الواسطه وحطمت اماله..


.............................................................





صامدون صامدون صامدون..
سنعيش..سنلعب..سنحب ..وسنرقص ونغنى ولو حتى بدون موسيقى..

والله اننا قويين..
لله دركم ما أعظمكم

[! DANGER !]

والله..
مدري أضحك ولا أبكي..

[rooeny]

هههههههههههههههههههههههههههههههههههههههههههههههههههههههههههههههههههههههههههه
يكفي لمن تقول لاي اجنبي
انا سعودي يحترمك غصب عنه هيبه
وغير كذاااااااااا لمن تقول هاذا امريكي ولابريطاني يقولك مع نفسه

[Z3eemDammam]

كلام جميل وعميق . الله يحفظ هالبلد من كل شر

[الزعيمه منو]

ارفـــــــــــــــــــــــــع راســــــــــــــــــــــــــك انتا سعـــــــــــــــــــــودي طيبـــــــــــــــــــــــك جــــــــــــــاوز كل حـــــــــــــــــدودي)

صـــــــــــــــــح لســــــــــــانك يادايم الســـــــــــــــيف

طبـــــــــــــــــنا وطـــــــــــــــــــابت دولـــــــــــــــتنا

يســـــــــــــــــــــلموا اخوي موضـــــــع ع الجــــــــــــــــرح

[ديـك الـجن]

إقتباس الرسالة الأصلية كتبت بواسطة rooeny هههههههههههههههههههههههههههههههههههههههههههههههههههههههههههههههههههههههههههه يكفي لمن تقول لاي اجنبي انا سعودي يحترمك غصب عنه هيبه وغير كذاااااااااا لمن تقول هاذا امريكي ولابريطاني يقولك مع نفسه

قل والله العظيم؟؟؟

[قناص القرن]

والله مدري أستانس أو أتضايق ..

أستانس علشان أننا صبورين حقيقةً //

أتضايق على الأوضاع المزرية والخدمات عندنا ,,!

[هلالية القرن]

يااااااااااالبى ...


شعب فلاااوين بس بالجد جد ... مانرضا ع بعضناااا ...


والدليل ...


لما إيراان الكلبه نصب لنا فخ لتظااااااااهر

سوينا الضد تحديناااااهم ... تماااسكناااا ... تفادينا الروح لروح ...



أحبــــــــــــksaـــــــــــك

[هلالية القرن]

إقتباس الرسالة الأصلية كتبت بواسطة قناص القرن والله مدري أستانس أو أتضايق .. أستانس علشان أننا صبورين حقيقةً // أتضايق على الأوضاع المزرية والخدمات عندنا ,,!

بالعكس أحنااااا بخير وربي ... مانقصنا شي والحمد لله


الملك موب مقصر علينا بشي


بس أحمدو ربكم ع الحاااااااااااااال

[FAISAL AL7RBY]

إقتباس اولا..على الرغم من الضايقه المالية اللى يعيشها اغلب الشعب.. والتطفير والفقر اللى يشع ويلمع من عيوننا.. الا اننا اكثر بشريه في العالم تتسوق..شغالين مقاضي من سوق لسوق..من محل لمحل..

هههههههههههههههههههههههههه

اي والله صدقت

انا اشك ان عندنا فقرر

مع نادي النصر يلقب بالفقر

[MILITO HAIL]

آآآآه يابو متعب لو تعرف كيف عايش الشعب السعودي بالحقيقه مو اللي انت شايف
وأكثر مايقهرن الواسطه والفساد
موضوع يضحك وبنفس الوقت يبكي

مشكور آخوي الزمان ولى وراح

[alfayhaa Sport]

يعطيك العافية على الموضوع
وشكرا لك
تحياتى

[الـبـيـانـكـونـيـريـ]

والله انكم مساكين ما تدرون عن شي

عنا الشعب الفله مدري وش وتصدينا لايران ومدري وش

لا تتحمس واجد بس .. الدول الحين جالسه تتطور وانت لا خلص النفط بترجع على حمار وبعير